ଜଣାଣ
ମାନଗୋବିନ୍ଦ ସ୍ବାଇଁ
ପ୍ରଭୁଙ୍କ ନାମରେ ସବୁ କାମ କଲେ
ହୁଏ ସବୁ ମୋ ସଫଳ
ପ୍ରଭୁ ଆଶିର୍ବାଦ ମୋ ପାଇଁ ସମ୍ବାଦ
ହୁଏ ସବୁ ମୋ ମଙ୍ଗଳ।
ଯେତେ ଦୂର ଯିବି ସେତେ ଦୂର ହବ
ପଥ ମୋର ପରିଷ୍କାର
ଦର୍ଶନ ହୋଇବ ପ୍ରଭୁ ଦେଖା ପୁଣ୍ୟ
ପାଦୁକା ଜଳ ମଧୁର।
ଫୁଲ ଦେଇ ପୂଜା ଭକ୍ତିରେ ଭଜନ
ଗାଇବି ମୁ ନିରନ୍ତର
ଚାହିଁ ଦେଲେ ପ୍ରଭୁ ଭାବ ଆସିଥାଏ
ଭକ୍ତି ବଢଇ ମନର।
ହୁଳହୁଳି ଶଦ୍ଦ ଘଣ୍ଟ କର ତାଳି
ମନ୍ତ୍ର ଧ୍ବନି ତପ ଜପ
ନିତି ଯେ ଅଭ୍ୟାସ କରୁଥିଲେ ସଦା
ଛାଡି ଯିବ ହୃଦ ପାପ।
ଦିନ କାମ ସବୁ କରୁଥିଲେ ଯାହା
ସନ୍ଧ୍ୟାରେ କରୁ ପ୍ରାର୍ଥନା
କ୍ଷମା ମାଗୁ ଥାଉ ପ୍ରଭୁଙ୍କ ପାଖରେ
ହଟି ଯାଉ ମୋ ଯନ୍ତ୍ରଣା।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା