ଭବାନୀପାଟଣା ୧୭/୬:- କଳାହାଣ୍ଡି ଜିଲ୍ଲାରେ ନିଆରା ଛେଳି ବ୍ଯାଙ୍କ ମାଣିକେସ୍ତ ଏଗ୍ରୋ ପ୍ରାଇଭେଟ୍ ଲିମିଟେଡ଼୍ ସାଲେଭଟା ଦୀର୍ଘ ୫ବର୍ଷ ଧରୀ ଛେଳି ଚାଷ କରୁଥିବା ଜଣାପଡିଛି। ଏହି କମ୍ପାନୀ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ , ସରକାରୀ ସଂସ୍ଥା ଓ ଅନ୍ୟ ଜିଲ୍ଲାରୁ ଆସୁଥିବା ଛେଳି ଚାଷୀମାନଙ୍କୁ ଛେଳି ଯୋଗାଇଦେବା ସଙ୍ଗେ ସଙ୍ଗେ ଅଞ୍ଚଳରେ ରହୁଥିବା ଅନ୍ୟାନ୍ଯ ଛେଳିଚାଷୀ ଭାଈ ମାନଙ୍କୁ ଉନ୍ନତ ମାନର ଛେଳି ପାଳନ, ରକ୍ଷଣା ବେକ୍ଷଣ,ଚିକିତ୍ସା ଓ ବଜାର ସଙ୍ଗେ ଯୋଡ଼ିବା ପରି ବିଭିନ୍ନ ସାହାଯ୍ୟ ସହଯୋଗ ଯୋଗାଇ ଆସୁଛି ।
ମାଣିକେସ୍ତ କମ୍ପାନୀ ନିଜର ଛେଳି ବ୍ୟାଙ୍କ ( Goat Bank ) ଯୋଜନା ଆରମ୍ଭ କରିଛି । ଏହା ଦ୍ବାରା ଅନେକ ଛେଳିଚାଷୀ ମାନଙ୍କ ମନରେ ଏକ ପ୍ରକାର ଉତ୍ସାହ ସୃଷ୍ଟି ହୋଇଛି ଏବଂ ଏହି ଯୋଜନା ମାଧ୍ୟମରେ ଗରିବ, ଦିନ ମଜୁରୀଆ , ଭାଗଚାଷୀ ତଥା ଯେଉଁମାନେ ଅନ୍ୟର ଛେଳି ଚରାଇ ପରିବାର ପ୍ରତିପୋଷଣ କରୁଛନ୍ତି, ସେହିପରି ଇଛୁକ ଚାଷୀ ଭାଈ ଓ ଭଉଣୀ ମାନଙ୍କୁ ଗୋଟିଏ ପରିବାରକୁ ଦୁଇଟି ( ୨ ) ଲେଖାଏଁ ମାଇଁ ଛେଳି ଋଣଦେଇ ସେମାନଙ୍କୁ ନିଜେ ଗୋଟିଏ ଛେଳି ଚାଷୀ ହେବାର ସୁଯୋଗ ଦେଉଛନ୍ତି ଏବଂ ଆଗାମୀ ଦିନରେ ସେହି ଗରିବ ଚାଷୀ ଭାଈ ଓ ଭଉଣୀ ମାନେ କିପରି ଅଧିକ ଅର୍ଥ ଉପାର୍ଜନ କରିବେ ଓ ତାଙ୍କର ଆର୍ଥିକ ଉନ୍ନତି ହେବ ସେ ଦିଗରେ ମାଣିକେସ୍ତ କମ୍ପାନୀ ସହଯୋଗ କରିବା ପାଇଁ ପ୍ରୟାସ କରୁଛନ୍ତି | 
କମ୍ପାନୀ ନିଜର FPO ମାଧ୍ୟମରେ ବର୍ତ୍ତମାନ ପର୍ଯ୍ୟନ୍ତ ୬୦୦ରୁ ଅଧିକ ଚାଷୀ ମାନଙ୍କୁ କମ୍ପାନୀ ସହ ଯୋଡିସାରିଛନ୍ତି । ଏବଂ ଆଗାମୀ ୨୦୨୫ ମସିହା ପର୍ଯ୍ୟନ୍ତ ୫୦୦୦ ଚାଷୀଙ୍କୁ ଛେଳି ବ୍ୟାଙ୍କ ଯୋଜନାରେ ସାମିଲ କରିବାପାଇଁ ଲକ୍ଷ୍ୟ ଧାର୍ଯ୍ୟ ରଖୁଛନ୍ତି ବୋଲି କମ୍ପାନୀ ଛେଳି ବ୍ୟାଙ୍କ ମୂଖ୍ୟ ନବୀନ କୁମାର ମେହେର କହିଛନ୍ତି । ଯେଉଁ ଚାଷୀ ଭାଇଭଉଣୀମାନେ ଛେଳିଋଣ ନେବାପାଇଁ ଇଚ୍ଛକୁ ଅଛନ୍ତି ଓ ଅଧିକ ଜାଣିବା ପାଇଁ ଚାହୁଁଛନ୍ତି ସେମାନେ ସଲେଭଟା , ମାଟିଆ ସ୍ଥିତ କମ୍ପାନୀ ଅଫିସରେ ସିଧାସଳଖ ଯୋଗାଯୋଗ କରିପାରିବେ ବୋଲି ସେ ଜଣାଇଛନ୍ତି।
ଭବାନୀପାଟଣା ରୁ କିଷନ କୁମାର ଶର୍ମାଙ୍କ ରିପୋର୍ଟ
