ବିଡ଼ିଓ ଙ୍କ ବୁଝାସୁଝା ରେ ଫିଟିଳା ତାଳା
କଲମପୁର-୨୩/୬(ମସିହା) କଲମପୁର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚାୟତ ରେ ପୋଖରୀ ନିଳାମ କୁ ନେଇ ହଠାତ ଏକ ଆନ୍ଦୋଳନ ର ରୂପ ନେଇଛି l ପୋଖରୀ ନିଲାମ କୁ ନେଇ ବଢିଛି ଉତ୍ତେଜନା l ବୁଧବାର ଦିନ ପୂର୍ବ ବିଜ୍ଞପ୍ତି ଅନୁସାରେ ପଞ୍ଚାୟତ କାର୍ଯ୍ୟାଳୟ ରେ ପଞ୍ଚାୟତ ର ସମ୍ପତ୍ତି ଗୁଡିକୁ ନେଇ ନିଲାମ ଡକାଯାଇଥିଲା l ନିଲାମ ରେ ମହିଳା ସ୍ୱୟଂ ସହାୟକ ଗୋଷ୍ଠୀ ମାନଙ୍କୁ ପ୍ରାଥମିକତା ଦେବାକୁ ସରକାରୀ ନିର୍ଦ୍ଦେଶ ଥିବାରୁ ମହିଳା ମlନେ ନିଲାମ ରେ ଅଧିକ ପରିମାଣ ରେ ଯୋଗଦେଇ ଥିଲେ l ଏହି ପଞ୍ଚାୟତ ଅଧିନସ୍ଥ ଭାଲୁବୁଟୁରା ଗ୍ରାମବାସୀ ମାନଙ୍କ ପଞ୍ଚାୟତ ର ସର୍ବସାଧାରଣ ସମ୍ପତ୍ତି ପୋଖରୀ ଗୁଡିକ ଅଧିକ ରହିଥିଲେ ମଧ୍ୟ ଏହା ର ନିଲାମ ଡାକ ହୋଇ ନ ଥିଲା l ପଞ୍ଚାୟତ ସମ୍ପତ୍ତି ତାଲିକା ରେ ଥାଇ ବି ନିଲାମ କାହିଁକି ହେଉ ନାହିଁ ବୋଲି ଗ୍ରାମବାସୀ ମାନେ ନିଲାମ ଦାୟିତ୍ୱରେ ଆସିଥିବା ଅଧିକାରୀ ମାନଙ୍କୁ ପ୍ରଶ୍ନ ପଚାରିଥିଲେ l କିନ୍ତୁ ଅଧିକାରୀ ମାନେ ସନ୍ତୋଷ ଜନକ ଉତ୍ତର ନ ଦେବାରୁ ଉତ୍ତେଜନା ବୃଦ୍ଧି ପାଇଥିଲା l ପୋଖରୀ ଗୁଡିକ ରେ ମାଛପାଣି ଯୋଜନାର ଅଧିକାର ବଳରେ ଜନୈକ ଗୌନ୍ତିଆ ର କୋର୍ଟ ଅର୍ଡର ଥିବାରୁ ଆମେ ନିଲାମ କରି ପାରିବୁ ନାହିଁ ବୋଲି ଅଧିକାରୀ ମାନେ କହିଥିଲେ l କିନ୍ତୁ ଭାଲୁବୁଟୁରା ଗ୍ରାମର ଶିବ ଶକ୍ତି ମହିଳା ସୟଂ ସହାୟକ ଗୋଷ୍ଠୀ ଗ୍ରାମର ଜୁନାବନ୍ଧ କିମ୍ବା ଯେକୌଣସି ପୋଖରୀ ହେଲେ ଗୋଟିଏ ନିଲାମ ରେ ଦେବା କୁ ଦାବୀ କରିଥିଲେ l ଦାବୀ କୁ ଅଧିକାରୀ ମାନେ ପ୍ରତ୍ୟାଖ୍ୟାନ କରିବାରୁ ମହିଳା ସୟଂ ସହାୟକ ଗୋଷ୍ଠୀ ଏବଂ ପଞ୍ଚାୟତ ଅଧିକାରୀ ମାନେ ଭିତରେ ରହିଥିବା ସମୟରେ କାର୍ଯ୍ୟାଳୟ ମୁଖ୍ୟ କବାଟ କୁ ବନ୍ଦ କରି ତାଲା ପକାଇ ଥିଲେ l ଖବର ପାଇ କଲମପୁର ବିଡ଼ିଓ ପ୍ରସନ୍ନ କୁମାର ପଟେଲ ଘଟଣାସ୍ଥଳ ରେ ପହଂଚି ବୁଝା ସୁଝା କରିଥିଲେ l କୋର୍ଟ ର ମାମଲା କୁ କୋର୍ଟ ରେ ଚାଲେଞ୍ଜ କରିବାକୁ ହେବ ଏହା ଆମ କ୍ଷମତା ବାହାରେ ବୋଲି କହିଥିଲେ l ଏହାପରେ ମହିଳା ମାନେ ଆନ୍ଦୋଳନ ପ୍ରତ୍ୟାହୃତ କରି ତାଲା ଖୋଲି ଦେଇଥିଲେ l ଯେଉଁ ସବୁ ସର୍ବସାଧାରଣ ସମ୍ପତ୍ତି ଗୁଡିକ ନିଲାମ ହୋଇ ପାରିବ ସେଗୁଡିକୁ ଆସନ୍ତା କିଛି ଦିନ ମଧ୍ୟରେ ନିଲାମ ହେବ ବୋଲି ସରପଞ୍ଚ ସୁଶାନ୍ତ ମାଝୀ ଘୋଷଣା କରିଥିଲେ l ଭାଲୁବୁଟୁରା ଗ୍ରାମର ସର୍ବସାଧାରଣଙ୍କ ପୋଖରୀ ଗୁଡିକ ଜୁନlବନ୍ଧ, ଉପର ବନ୍ଦ, ତଳି ବନ୍ଧ, ମାଉଲି ବନ୍ଧ, ବରାଳ କୁରଲା ବନ୍ଧ ସବୁ କୁ ଡିଗ୍ରୀ କପି କରି ମହାଜନ ମାନେ ଜବର ଦଖଲ କରୁଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି l ଏହା ଦ୍ୱାରା ପଞ୍ଚାୟତ ର ନିଜ ପାଣ୍ଠି ବୃଦ୍ଧି ହେଉନାହିଁ କି ରାଜସ୍ବ ହାନୀ ମଧ୍ୟ ହେଉଛି l କଲମପୁର ବ୍ଲକ ରେ ଏଭଳି ବହୁ ସର୍ବସାଧାରଣଙ୍କ ସମ୍ପତ୍ତି ଅଛି ଯାହାକୁ କିଛି ମୁଷ୍ଟିମେୟ ଙ୍କ ଜବର ଦଖଲରେ ରହିଯାଇଛି l ଏଗୁଡିକୁ ଉଦ୍ଧାର କରାଯିବାକୁ ଅଂଚଳବାସୀ ଦାବୀ କରିଛନ୍ତି l
ପରମାନନ୍ଦ ଠାକୁର ,ମସିହା ପ୍ରତିନିଧି , କଲମପୁର, କଳାହାଣ୍ଡି