ହଜିଲା ଦରବ:–୪
ଦିଲ୍ଲୀପ କୁମାର ନନ୍ଦୀ
ବିବାହ ବେଦୀରେ କଦଳୀ ଗଛଟା
ଅଡ଼ୁଆ ଭାରି ଲାଗିଲାଣି
ଡିସ୍କୋ ଲାଇଟକୁ ରନିଙ୍ଗ୍ ଲିଚୁରେ
ପ୍ଲାଷ୍ଟିକ ଫୁଲ ସାଜିଲାଣି।୧।
ବାଡ଼ୁଅ ପାଣି କି ଦିଅଁ ମଙ୍ଗୁଳାଟା
ତେଲିଙ୍ଗି ମହୁରୀ ଶୁଭୁନି
କଣ ଛିଣ୍ଡା ଅବା ବିଦେଶୀ ପାନୀୟ
ଡି, ଜେ,ରେ କମ୍ପୁଛି ମେଦିନୀ।୨।
ବାହାଚିତା ଅବା ଶଙ୍ଖ ହୁଳହୁଳି
ଝିଅ ହାତେ ନାହିଁ ଆଞ୍ଜୁଳି
ଭାରଘିତା ଅବା ସଵାରି ପାଲିଙ୍କି
ହାକୁମଧାବ ହଜିଲାଣି।୩।
ଗୋପାଳ ପୁଅଟା ଥାଟମାରି ବୁଲେ
କାନ୍ଧତା ନରମ ହେଲାଣି
ନୋଉରୁଣି ଛୁଆଁ ଅଳତା ନାହିଁ କି
ମେହେନ୍ଦିରେ ସଜ ହେଲେଣି।୪।
କାଏମା ,ଧର୍ମଶାଳା, ଯାଜପୁର
