ଧର୍ମଗଡ: ୨୯/୬/୨୨: ଆଜି ଧର୍ମଗଡ ଶ୍ରୀଜଗନ୍ନାଥ ମନ୍ଦିର ଠାରେ ଶ୍ରୀଜୀଉ ଙ୍କ ନବଯୌବନ ଦର୍ଶନ ଓ ନେତ୍ରୋତ୍ସବ ଅନୁଷ୍ଠିତ ହୋଇ ଯାଇଛି । ଦେବସ୍ନାନ ପୂର୍ଣ୍ଣିମା ପର ଠାରୁ ୧୪ ଦିନ ଧରି ଅଣସର ଘରେ ଅସୁସ୍ଥ ଥିବା ଶ୍ରୀ ଜୀଉ ସୁସ୍ଥ ହୋଈ ଆଜି ଭକ୍ତଙ୍କୁ ଦର୍ଶନ ଦେଇଥିଲେ । ଏଥି ପାଇଁ ଶ୍ରୀ ଜଗନ୍ନାଥ ମନ୍ଦିର ପରିସର ଆଜି ଚଳ ଚଞ୍ଚଳ ହୋଇଉଠିଥିଲା । ରୀତି ନୀତି ଅନୁଯାୟୀ ଶ୍ରୀ ଜୀଉ ମାନଙ୍କ ପୂଜାର୍ଚ୍ଚନା କରାଯାଇଥିଲା । କର୍ତ୍ତା ଭାବେ ଜଗବନ୍ଧୁ ମିଶ୍ର ପତ୍ନୀ ଶକୁନ୍ତଳା ମିଶ୍ର ଦାୟିତ୍ୱ ନିର୍ବାହ କରିଥିବା ବେଳେ ମୁଖ୍ୟ ପୂଜକଭାବରେ ଶ୍ରୀଯୁକ୍ତ ପ୍ରଭାକର ନନ୍ଦ ଓ ମନ୍ଦିର ସ୍ଥାୟୀପୂଜକ ଭଣ୍ଡେଶ୍ବର ଆଚାର୍ଯ୍ୟ ପୂଜାର୍ଚ୍ଚନା କରିଥିଲେ । ଶିଳ୍ପୀ ମୁରଲୀଧର ମହାରଣା ଶ୍ରୀ ଜିଉ ମାନଙ୍କୁ ରଙ୍ଗ ଓ ବେଶ କରିଥିଲେ ।
ପୂଜା କମିଟିର ସୁରେଶ୍ଚନ୍ଦ୍ର ମୁଣ୍ଡ (ଗାୟତ୍ରୀ),ଲକ୍ଷ୍ମୀକାନ୍ତ ଖମାରୀ ପୂଜାର ଆନୁସଙ୍ଗିକ କାର୍ଯ୍ୟ କ୍ରମରେ ସହଯୋଗ କରିଥିଲେ। ପ୍ରାସାଦ ପ୍ରସ୍ତୁତ ଦାୟିତ୍ୱ ସୁରେଶ୍ଚନ୍ଦ୍ର ମୁଣ୍ଡ, ଲଳିତ ଅଗ୍ରୱାଲ୍ , ଟ୍ରଷ୍ଟର ଉପସଭାପତି ତୁଷାର ପାଟ୍ଟଯୋଶୀ, ସଦସ୍ଯ ସନ୍ତୋଷ ମେହେର, ହୃଷିକେଶ ମିଶ୍ର, କୃପାସିନ୍ଧୁ ପଣ୍ଡା, ସୁରେନ୍ଦ୍ର ନାଥ ମୁନି ପ୍ରମୁଖ ସଦସ୍ଯ ଙ୍କ ତତ୍ତ୍ବାବଧାନରେ ସମ୍ପାଦନ ହୋଇଥିଲା। ସମ୍ପାଦକ ନିରଞ୍ଜନ ମହାପାତ୍ର ସମସ୍ତ କାର୍ଯ୍ୟ ତଦାରଖ କରିଥିଲେ । ଭକ୍ତ ଓ ଶ୍ରଦ୍ଧାଳୁମାନେ ମାନେ ଶ୍ରୀ ଜୀଉମାନଙ୍କୁ ଦର୍ଶନ କରି ପୁଣ୍ଯାର୍ଜନ କରିବା ସହ ପ୍ରଭୁ କୃପା ଲାଭ କରିଥିଲେ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ
