ରଥ
ଜୀବନ୍ତ ରଥକୁ ତୁମେ ତ ଗଢିଛ
ଗଡୁ ଥାଏ ନିରନ୍ତର
ଯେଣିକି ଟାଣିବ ସେଣିକି ଚାଲିବ
ଏହି ରଥଟି ତୁମର
ରକ୍ତ ହାଡ଼ ମାଂସ ଦେଇ ଗଢିଦେଲୁ
ଶରୀର ରଥକୁ ତୋର
ଜୀବନ୍ତ ରଥକୁ……………..୧
ଅଖ ଚକ ଖଞ୍ଜା କାଠର ରଥରେ
ବସିଛ ପାଷାଣ ପରି
ଦଉଡ଼ି ଲଗାଇ ଟାଣନ୍ତି ରଥକୁ
ତୋ ନାମକୁ ମୁଖେ ଧରି
ତୁମ ରଥ କାହିଁ ଆପେ ଚାଲେନାହିଁ
କିଏସେ ସାରଥୀ ତୋର
ଜୀବନ୍ତ ରଥକୁ………………୨
କାଠ ରଥେ ବସି କିସୁଖ ପାଉଛ
ସରୀର ରଥରେ ନାହିଁ
ସରୀର ରଥରେ ତୁମେ ତ ସଜୀବ
କାଠରେ ଜୀବନ ନାହିଁ
ବଡ଼ଦାଣ୍ଡ ଆଜି ରଥମୟ ହେଲା
ଶ୍ରୀମୁଖ ଦର୍ଶନେ ତୋର
ଜୀବନ୍ତ ରଥକୁ ତୁମେ ତ ଗଢିଛ
ଗଡୁ ଥାଏ ନିରନ୍ତର…………..୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
