ହେରା ପଞ୍ଚମୀର ମାହାତ୍ମ୍ୟ
(ରାଗ- କଲ୍ୟାଣ ଆହାରୀ)
କବି ସୌରଭ ବୈଜୟନ୍ତୀ ମାଳା ମହାପାତ୍ର
ପ୍ରଭୁଜଗନ୍ନାଥ ଜଗତର ନାଥ ଭାଇ ଭଉଣୀଙ୍କ ସାଥିରେ
ରଥଯାତ୍ରା କଲେ ଆନନ୍ଦିତ ହେଲେ ବସି ସେ ବୁଲିଲେ ରଥରେ
କମଳା,ରାଗ ତମତମ ହୋଇଲେ,
ହେରାପଞ୍ଚମୀରେ ପାନେ ଦେବେ ବୋଲି କ୍ଷଣକୋପୀ ରୂପ ବହିଲେ…ll୧ll
କଥାଦେଇ କଥା ରଖିଲେନି ବୋଲି ମହାପ୍ରଭୁ ରମା ଭୟରେ
ରଥକୁ ଦକ୍ଷିଣ ମୋଡ଼ କରାଇଲେ ଭୟ ଧରି ସିଏ
ଅନ୍ତରେ
ସେବକ,ପଠାଇ ମୋହିଲେ ଲକ୍ଷ୍ମୀଙ୍କୁ,
ଜଗତ କରତା ତୋଷି ଲକ୍ଷ୍ମୀ ମାତା ଫେରିଥିଲେ ନିଜ ଘରକୁ….(୨)
ନାରୀ ବିନା ତୁଚ୍ଛ ପୁରୁଷ ଜୀବନ ପୁରୁଷ ବିନା ଯେ ଘରଣୀ
କେତେ ହଟହଟା ହୁଅନ୍ତି ସଂସାରେ ଜାଣିଛନ୍ତି ସେ ଚକ୍ରପାଣି
ତେଣୁ ସେ, ଏପରି ଲୀଳାକୁ କରାଇ
କଳି କରିଥିଲେ ଯୋଡ଼ି ହୋଇଗଲେ ମାନ ସ୍ବାଭିମାନ ବଢାଇ…..(୩)
ଫୁଲବାଣୀ, କନ୍ଧମାଳ
