ହେରା ପଞ୍ଚମୀ

ଚନ୍ଦ୍ରକଳା

 

ଅଭିମାନିନୀ ସେ ବରୁଣ ଦୁଲଣୀ

ଜଗତର ପଡିଦାତ୍ରୀ,

ପ୍ରଭୁଙ୍କୁ ନଦେଖି ସାଗର ଦୁଲଣୀ

କୋପଭର ହୋଇଛନ୍ତି ||

 

କପଟୀ କାଳିଆ କପଟ କରିଲେ

ମୋତେ କିଛି ନଜଣାଇ,

ଭାଇଭଗ୍ନୀ ମିଶି ମୋତେ ଏକାକରି

ଚଲିଗଲେ ଜନ୍ମଭୂଇଁ ||

 

ଗରଗର ହୋଇ ସେ ଚଞ୍ଚଳମନା

ସଖୀ ସଂଗତରେ ଯାଇ,

ପ୍ରଭୁ ବସିଥିଲେ ଆଡପ ମଣ୍ଡପେ

ଲୁଚି ଦେଖିବାର ପାଇଁ ||

 

ଭାତୃ ଦ୍ବୟ ମଧ୍ୟେ ଭଦ୍ରାକୁ ଦେଖିଣ

ମନେ ମନେ ଜଳିଜାଇ,

ରଥ ଯାତରାରେ ମାତିଛନ୍ତି ପ୍ରଭୁ

ଲକ୍ଷ୍ମୀ ମନେ ନ ପଡଇ ||

 

ରାଗେ ତମତମ ହୋଇ ସିନ୍ଧୁସୁତା

ସେଠାରୁ ବାହୁଡ଼ି ଆସି,

ହେରା ପଞ୍ଚମୀରେ ରଥଚକ ଭାଙ୍ଗି

ପ୍ରଭୁଙ୍କୁ କରନ୍ତି ଦୋଷୀ ||