ହେରା ପଞ୍ଚମୀ

ଭାବ ବିନଦିଆ କାଳିଆ ଠାକୁର

ଭକତ ଭାବକୁ ଚାହିଁ

ରଥ ପରେ ଚଢି ବଡ ଦାଣ୍ଡେ ଝୁଲି

ଭାଇ ଭଉଣୀକୁ ନେଇ l

ପହଁଚିଲେ ଯାଇ ଗୁଣ୍ଡିଚା ମନ୍ଦିରେ

ମାନକୁ ଉଚ୍ଚାଟ କରି

ମାଉସୀ ମାଆର ଶାଗ ଭଜା ଆଉ

ପୋଡପିଠା ଖାଇ

ଆନନ୍ଦେ ରହିଲେ ଯାଇ l

ମାଆ ମହାଲଷ୍ମୀ ଏକାକୀ ହୋଇଲେ 

ଶିରୀ ମନ୍ଦିରରେ ରହି

କାଳିଆ ସାଆନ୍ତେ ଉଲ୍ଲାସ ମନରେ

ରହିଲେ ଜନମ ବେଦିରେ l

ଭୁଲିଗଲେ ପୁରା ଲଷ୍ମୀ ସାଆନ୍ତାଣି

ଅଛନ୍ତି ଏକା ମନ୍ଦିରେ

ନାରାୟଣ ବିନା ଲଷ୍ମୀ ମାଆ

କେମିତି ରହି ପାରନ୍ତେ l

ପାଞ୍ଚ ଦିନ ଜଗି ବାହାରିଲେ ମାଆ 

ଚଣ୍ଡୀ ଚାମୁଣ୍ଡାଙ୍କୁ ଧରି

ଖୋଜି ପାଇଲେନି କାଳିଆ ହାତୀକୁ

ତୋଷରେ ଭାଙ୍ଗିଲେ ଖାଡ଼ି l

କାଳିଆ ଜାଣିଲେ ଲଷ୍ମୀଙ୍କର ରୋଷ

ତୁରନ୍ତ ଡାକିଲେ ବିଶ୍ୱକର୍ମା ଙ୍କୁ

ଅଦେଶିଲେ ପ୍ରଭୁ ରଥ କୁ ସଜାଡି

ଦକ୍ଷିଣ ମୋଡ କରିବାକୁ l

ସେହି ଦିନୁ ପ୍ରଭୁ ମନେ ବଳାଇଲେ

ଶ୍ରୀ ମନ୍ଦିର ଫେରିବାକୁ

ମାନବୀୟ ଲୀଳା ଲଗାଇ ପ୍ରଭୁ ଯେ

ଶିଖାଇ ଦେଲେ ଆମକୁ l

ଗୃହର ଲଷ୍ମୀଙ୍କୁ ହତାଦର କେବେ

କରିବନି ଜମା ଆଉ

କରିଲେ ଏମିତି ଭୋଗିବ ଏ ଦଶା

ସାବଧାନ ହୁଅ ବେଳ ଥାଉ l

ରାଜୀବ ଲୋଚନ ପାଣିଗ୍ରାହୀ

ରଘୁନାଥ ନଗର, ଆସ୍କା, ଗଞ୍ଜାମ