ଜଣାଣ
ମାନଗୋବିନ୍ଦ ସ୍ବାଇଁ
ସବୁ ଦାଣ୍ଡ ଠାରୁ ତୋ ସେ ବଡ଼ଦାଣ୍ଡ
ସଦା ଲାଗେ ଏ ଗହଳି
ଭକତ ଆସୁଛି ଭକତ ଯାଉଛି
ପଦେ କହି ଭକ୍ତି ଅଳି।
ନଡ଼ିଆ ଭାଙ୍ଗୁଛି ଫୁଲ ଧୂପ ଦୀପ
ଦେଇ କରି ମନ୍ତ୍ର ପାଠ
ଭକତି ଭାବରେ ମିନତୀ କରୁଛି
ଜନ ଦିଅ ଶାନ୍ତି ବାଟ।
ଭଜନ ଜଣାଣ ସଂକୀର୍ତ୍ତନ ଭାବ
ହୃଦୟ ହୁଏ ପବିତ୍ର
ଚାହିଁ ଦେଲେ ପ୍ରଭୁ ଭକ୍ତି ଆସେ ସବୁ
ଯୋଡ଼ି ହାତ ନମ୍ଃ ନେତ୍ର।
ପ୍ରଭୁ କରି ଯାତ୍ରା ଦକ୍ଷିଣ ମୋଡରେ
ଭକ୍ତ ଭଗବାନ ଭେଟ
ବଡ଼ଦାଣ୍ଡ ପରେ ମିଳନ ହେଉଛି
ଜନ ଦିଅ ମୁକ୍ତି ବାଟ।
ଷଷ୍ଠ ଦିନ ପ୍ରଭୁ ଦିନ ରହୁ ଶୁଭ
ଭକ୍ତି ମୋର ପାଦ ତଳେ
ସାରା ଏ ଜୀବନ ତୁମ ସେବା ଥିବି
ଶାନ୍ତି ରଖ ଧରା ସ୍ଥଳେ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
