ଡିପୋରୁ ଉଠିଛି ଖାଉଟିଙ୍କ ପାଖକୁ ପହଞ୍ଚି ନି ତେବେ ହଜାର ହଜାର ଲିଟର ଗଲା କୁଆଡେ?
ଆଗକୁ ବର୍ଷା, କେଉଁଠି ବି ଷ୍ଟକ ନାହିଁ ପ୍ରାକୃତିକ ବିପର୍ଯ୍ୟୟ ମୁକାବିଲା ହେବ କିପରି ?
କଲମପୁର-୮/(ମସିହା) କିରୋସିନ ଯୋଗାଣ ଓ ବଣ୍ଟନରେ ବ୍ୟାପକ ଅସାଧୁ କାରବାର ଜଳଜଳ ଭାବେ ବାରିହୋଇ ପଡିଛି ।ବିଭାଗୀୟ କର୍ମଚାରୀ ମାନଙ୍କ କୁମ୍ଭକର୍ଣ୍ଣ ନିଦ୍ରା ଭଙ୍ଗ ହେଉନ ଥିବାରୁ ଏଭଳି ଅତ୍ୟନ୍ତ ଆବଶ୍ୟକ ସାମଗ୍ରୀ ବ୍ୟବସାୟରୁ ଅଧିକାରୀ ଓ ବ୍ୟବସାୟୀ ମାଲେମାଲ ହେଉଥିବା ବେଳେ ଗରିବଙ୍କ ଡିବିରି ବତି ଉପରେ ଚଡକ ପଡିଛି ।କଲମପୁର ବ୍ଳକର ୧୧ଗୋଟି ପଞ୍ଚାୟତ ପାଇଁ ୯ଟି ପଞ୍ଚାୟତ ଓ ୧ଟି ଏସ ଏଚ ଜି ମାଧ୍ୟମରେ ୧୫୩୩୮ ପରିବାର ର ୫୧୦୯୪ଜଣ ସଦସ୍ୟଙ୍କୁ ୧୫୫୫୨,୭୩ଲିଟର କିରୋସିନ ଯୋଗାଣ ହେଉଛି ।ଧର୍ମଗଡ଼ର ଏମ ଏସ କେକେ ଏଜେନ୍ସି ସମୁଦାୟ ବ୍ଳକ କୁ କିରୋସିନ ଯୋଗାଇ ଆସୁଛନ୍ତି । 
ସେଥି ମଧ୍ୟରେ ବଡକୁଟୃ ପଞ୍ଚାୟତ ପିଇଓ ୯୮୫ଟି ପରିବାର ଓ ୩୩୩୮ ଜଣ ସଦସ୍ୟ ପାଇଁ୯୯୮,୭୯ଲିଟର । ବନ୍ଧକନା ପିଇଓ ୧୨୮୮ପରିବାର ଓ ୪୩୪୩ ସଦସ୍ୟ ପାଇଁ ୧୩୦୬,୩ଲିଟର । ବିଜମରା ପିଇଓ ୨୦୪୦ ପରିବାର ଓ ୬୭୨୨ ସଦସ୍ୟ ପାଇଁ ୨୦୬୮,୫୬ ଲିଟର । ଦେପୁର ପିଇଓ ୧୯୧୮ପରିବାର ଓ ୬୩୨୩ ସଦସ୍ୟ ପାଇଁ ୧୯୪୪,୮୫ ଲିଟର । ସମ୍ପାଦକ ଗୀତାଞଳୀ ୨୩୯ ପରିବାର ୭୮୭ ସଦସ୍ୟ ପାଇଁ ୨୪୨,୩୫ ଲିଟର । ହାରାମାଲ ପିଇଓ ୧୩୫୩ ପରିବାର ୪୬୬୨ ସଦସ୍ୟ ପାଇଁ ୧୩୭୧,୯୪ ଲିଟର । କଲମପୁର ପିଇଓ ୧୭୨୦ ପରିବାର ୫୭୨୪ ସଦସ୍ୟ ପାଇଁ ୧୭୪୪,୦୮ ଲିଟର । ମଣ୍ଡଳ ପିଇଓ ୨୫୧୨ ପରିବାର ୮୩୧୦ ସଦସ୍ୟ ପାଇଁ ୨୫୪୭,୧୭ ଲିଟର । ମୀନଗୁର ପିଇଓ ୧୯୬୩ ପରିବାର ୬୫୮୪ ସଦସ୍ୟ ପାଇଁ ୧୯୯୦,୪୮ ଲିଟର । ପଣ୍ଡିଗାଁ ପିଇଓ ୧୩୨୦ ପରିବାର ୪୩୦୧ ସଦସ୍ୟ ପାଇଁ ୧୩୩୮,୪୮ ଲିଟର କିରୋସିନ ଯୋଗାଇ ଆସୁଛନ୍ତି । ବିଭାଗ କହୁଛି ପ୍ରତି ମାସରେ ଧାର୍ଯ୍ୟ ମୁତାବକ କିରୋସିନ ଉଠାଣ ହେଉଛି ଓ ହିତାଧିକାରୀ ମାନଙ୍କୁ ଯୋଗାଇ ଦିଆଯାଇଛି ।କିନ୍ତୁ ବାସ୍ତବିକ ଚିତ୍ର ସଂପୂର୍ଣ୍ଣ ଭିନ୍ନ ମତ ରଖୁଛି ।ଏମାନଙ୍କ ମଧ୍ୟରୁ କେହିବି ଧାର୍ଯ୍ୟ ଅନୁଯାୟୀ କିରୋସିନ ଉଠାଣ କରି ନାହାନ୍ତି ।ଏପରିକି ଅଧିକାଂଶ ଲୋକେ ମାସକୁ ଥରେ ଲେଖାଏ ବି କିରୋସିନ ପାଇପାରି ନାହାନ୍ତି । ତେବେ ଏତେ ପରିମାଣର କିରୋସିନ ଗଲା କୁଆଡେ ତାହା ହି ପ୍ରଶ୍ନବାଚୀ ସୃଷ୍ଟି କରିଛି । କାଗଜପତ୍ର ରେ ଚାଲିଛି ଏହି ଗୋଳକଧନ୍ଧା । ବିଭାଗୀୟ ଅଧିକାରୀ ଙ୍କ ପାଖରେ ରହିନାହିଁ ଏସବୁର ସଠିକ ତଥ୍ୟ । ଏବେ ବର୍ଷା ଋତୁ । ଏଭଳି ସମୟରେ ବି କୌଣସି ଠାରେ କିରୋସିନ ଗଚ୍ଛିତ ନାହିଁ । ଯଦି ପ୍ରାକୃତିକ ବିପର୍ଯ୍ୟୟ କୁ ସାମ୍ନା କରିବାକୁ ପଡେ ତେବେ ତାହାନେଇ କି ପ୍ରକାର ମୁକାବିଲା କରାଯାଇ ପାରିବ ସେ ନେଇ କୌଣସି ଉତ୍ତର ମିଲିପାରୁ ନାହିଁ ।ଏସମ୍ଭନ୍ଧେ ସଂପୃକ୍ତ ଡିଲର ଉପଖଣ୍ଡ ଯୋଗାଣ ଅଧିକାରୀ ଓ ବ୍ଳକ ଯୋଗାଣ ନିରୀକ୍ଷକ ଦେବଧର ଧରୁଆଙ୍କ ସହ ବାରମ୍ବାର ଯୋଗାଯୋଗ କରି ଆସୁଥିଲେ ମଧ୍ୟ ଫୋନ ନ ଉଠାଇବାରୁ ପ୍ରତିକ୍ରିୟା ମିଲିପାରି ନ ଥିବା ବେଳେ ଉଚ୍ଚ କର୍ତ୍ତୃପକ୍ଷ ତଦନ୍ତ କଲେ ଏଥିରେ ଲୁଚି ରହି ଥିବା ଅନେକ ରହସ୍ୟ ଉନ୍ମୋଚନ ହୋଇ ପାରିବ ବୋଲି ଉପଭୋକ୍ତା ମହଳରେ ଦାବୀ ହୋଇଛି ।
ପରମାନନ୍ଦ ଠାକୁର, ମସିହା ପ୍ରତିନିଧି ,କଲମପୁର, କଳାହାଣ୍ଡି
