ସୁନାବେଶ
ମାନଗୋବିନ୍ଦ ସ୍ବାଇଁ
ବର୍ଷେ ପାଞ୍ଚ ଥର ହୁଏ ସୁନା ବେଶ
ଭକ୍ତକୁ ଲଗାଇ ଡୋରି
ଆଭୂଷଣ ଲଗା ତିନି ରଥେ ସଜା
କି ସୁନ୍ଦର ବେଶ ହରି।
ଠାକୁର ହସନ୍ତି ଭକତ ଦେଖନ୍ତି
ଭକ୍ତ ପ୍ରଭୁ ପ୍ରେମ ଲୀଳା
ସୁନା ବେଶ ହୋଇ ଶୋଭା ପାଉଅଛ
ଚାଲିଛି ପ୍ରଭୁଙ୍କ ମେଳା।
ଭକ୍ତ ଜନ ସାଥେ ପ୍ରଭୁ ଅଛ ସାଥେ
ଭାବରେ କଥନ ହରି
ଭାବ ଦିଆନିଆ ଅନ୍ତର କଥାକୁ
ଦୂରେ କରି ଦିଅ ପାରି।
ଏଇ ସୁନାବେଶ କରିଲେ ଦର୍ଶନ
କୋଟି ଜନ୍ମ ଫଳ ମିଳେ
ଭକ୍ତ ଭାବେ ବନ୍ଧା ଲାଗି ଥାଉ ସଦା
ଜନ ପୁଣ୍ୟ ନିଳାଞ୍ଚଳେ।।
ଶେଷ ପଦ କଥା କହି ସୁନାବେଶ
ଭକ୍ତି କରି ନମସ୍କାର
ଜଗତ ବାସୀଙ୍କ ମଙ୍ଗଳ କାମନା
ବିପଦେ ସାହା ଈଶ୍ୱର।