ପ୍ରକୃତି

କବି ସୌରଭ ବୈଜୟନ୍ତୀ ମାଳା ମହାପାତ୍ର

ସୁସ୍ଥ ଓ ସୁନ୍ଦର ପ୍ରକୃତି ଦେଖିଲେ

ମନରେ ଭରେ ଆନନ୍ଦ,

ଇଚ୍ଛା ହୁଏ ସେଠି ଘର କରନ୍ତିକି

ଭୁଲି ସବୁ ନିରାନନ୍ଦ

ପ୍ରକୃତିର ଯତ୍ନ ନେଲେ,

ଦୂରେଇବ ସବୁ ବିପଦ ଆଶଙ୍କା

ଧରା ଝଲସିବ ଭଲେ….(୧)

ପ୍ରକୃତିରେ ସହିତ ପ୍ରକୃତି ମିଶାଇ

ପ୍ରକୃତିରେ ଘର କରି

ନର ପଶୁ ପକ୍ଷୀ କୀଟ ତରୁ ଲତା

ଆନନ୍ଦେ ଯାଆନ୍ତି ପୂରି

ପ୍ରକୃତି ଆମରି ମାଆ,

ଯେତେ ଯତନରେ ରଖିବା ତାହାକୁ

ହେଉଥିବ ସିଏ ସାହା …..(୨)

ଚିର ସବୁଜିମା ହୋଇଲେ ପ୍ରକୃତି

ବିପଦ ରହିବ ଦୂରେ

ରୋଗ ଶୋକ ଭୟ ଆଉ ନ ସାଧିବ

ଅମୃତମୟ ମହୀରେ

ପ୍ରକୃତିର ହେ ସୁରକ୍ଷା,

ଯେବେ ଟି କରିବା ଆନନ୍ଦ ଉଲ୍ଲାସେ

ପ୍ରକୃତି କରିବ ରକ୍ଷା…(୩)

ଫୁଲବାଣୀ, କନ୍ଧମାଳ