ଡାବୁଗାଁ, ୧୯/୭ ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଝରିଗୁଡା ଗ୍ରାମରେ ମହିଳା ଙ୍କ ଆତ୍ମହତ୍ୟା କୁ ନେଇ ହତ୍ୟା ସନ୍ଦେହ | ସୂଚନାଯୋଗ୍ୟ ଡାବୁଗାଁ ଥାନା ପୂଜାରୀଗୁଡା ଲଛମୀ ପନକା ଙ୍କ ଝିଅ ଭଦ୍ରିକା ପନକା(୨୪) ଝରିଗୁଡା ଗ୍ରାମର ସୁଶୀଲ ନାଗଙ୍କ ସହ ୩ ବର୍ଷ ତଳେ ପ୍ରେମ ବିବାହ କରିଥିଲେ | ସୋମବାର ସନ୍ଧ୍ୟାରେ ମୃତକର ପିତା କି ତାଙ୍କ ଝିଅ ର ଦୁର୍ଘଟଣା ହୋଇଥିବା ଖବର ପାଇ ସଙ୍ଗେ ସଙ୍ଗେ ଝରିଗୁଡା ଗ୍ରାମର ସୁଶୀଲ ନାଗ ଙ୍କ ଘରେ ପହଞ୍ଚି ଦେଖିଥିଲେ ଯେ ତାଙ୍କ ଝିଅ ନିଜ ଶାଢୀ ବେକରେ ବାନ୍ଧି ତଳେ ମରି ପଡିଥିଲା | ଏନେଇ ମଙ୍ଗଳବାର ସକାଳ ୧୦ ଘ. ରେ ମୃତକର ପିତା ଲଛମୀ ଡାବୁଗାଁ ଥାନାରେ ଝିଅକୁ ହତ୍ୟା କରାଯାଇଥିବା ନେଇ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ଅଧିକାରୀ ଅଭିମନ୍ୟୁ ଦୂର୍ଗା, ସବଇନିସ୍ପେକ୍ଟର କୁଳଭୂଷଣ ନାୟକ ଓ ମେନକା ସା, ଏଏସଆଇ ଶିଶିର କାନ୍ତ ଘୋଷ ଓ ବିଜୟ କୁମାର ସାହୁ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ | ପରେ ଝରିଗାଁ ତହସିଲଦାର ରୁଷିକେଶ ଗଣ୍ଡ ପହଞ୍ଚିବା ପରେ ଶବକୁ ପଞ୍ଚନାମା କରିଥିଲେ | ପରେ ଉମରକୋଟ ଏସଡିପିଓ ନିହାର ରଞ୍ଜନ ପ୍ରଧାନ ଘଟଣାସ୍ଥଳରେ ପହଞ୍ଚିଥିଲେ | ମୃତ ଝିଅର ପରିବାର ଲୋକେ ସୁଶୀଲ ନାଗକୁ ଗିରଫ ନକରିବା ପର୍ଯ୍ୟନ୍ତ ଶବ ଛାଡିବୁ ନାହିଁ ବୋଲି ଦାବି କରିଥିଲେ | ପୋଲିସ ଏନ୍ୟ ଏକ ଘର ମଧ୍ୟରୁ ସୁଶୀଲ ନାଗ କୁ ଉଦ୍ଧାର କରି ଥାନା କୁ ପଠାଇବା ସମୟରେ ଉତ୍ୟକ୍ତ ଲୋକେ ଅଭିଯୁକ୍ତକୁ ମାରିବା ସହ ପୋଲିସ ସହ ଧସ୍ତା ଧସ୍ତି ହୋଇଥିଲେ | ଏହାସହ ଲୋକେ ମହିଳା ଅଧିକାରୀ ଙ୍କ ସହ ମଧ୍ୟ ଖରାପ ବ୍ୟବହାର କରିଥିଲେ | ପରେ ପୋଲିସ କୁ ଲୋକେ ଅଟକ ରଖିଥିଲେ କିନ୍ତୁ ପୋଲିସ କୌଶଳ କ୍ରମେ ସେଠାରୁ ଖସି ଥାନାକୁ ଆସିଥିଲେ | ପରେ ଥାନା ଅଧିକାରୀ ଓ ପୋଲିସ ଫୋର୍ସ ଘଟଣା ସ୍ଥଳରେ ପହଞ୍ଚି ସନ୍ଧ୍ୟାରେ ଶବକୁ ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ | ଏନେଇ ଥାନା କେଶ ନଂ ୧୧୯/୨୨ ରେ ଏକ ମାମଲା ରୁଜୁ ହୋଇଛି | ପ୍ରଜ୍ଞାରଞ୍ଜନ ପରିଡା, ଡାବୁଗାଁ