ଜଣାଣ
ମାନଗୋବିନ୍ଦ ସ୍ବାଇଁ
ଜଳେ ସ୍ନାନ କଲେ ଶରୀର ପବିତ୍ର
ମନ୍ତ୍ର ପାଠ ମନ ଶୁଦ୍ଧ
ଧୂପ ଦୀପ ଦେଇ ପୂଜା କଲେ ପ୍ରଭୁ
ପରିବେଶ ରହେ ଶୁଦ୍ଧ।
ଦୀପଟି ଜାଳୁଛି ମନ କଥା କହି
ଦୁଃଖକୁ ଦେଉଛି ବାଢ଼ି
ଜଣାଣ ଭଜନ କୀର୍ତ୍ତନ କରୁଛି
ପ୍ରଭୁ ପାଦେ ହାତ ଯୋଡ଼ି।
ତୂଳସୀ ଚଉଁରା ମୂଳେ ବସି ଜପ
ପାପ ସଦା ଯାଉ ଛାଡ଼ି
ଧରଣୀ ବାସୀଙ୍କୁ ମଙ୍ଗଳ କରନ୍ତୁ
ଏତିକି ମୋପଦ ଯୋଡ଼ି।
ପ୍ରଭୁଙ୍କ ସ୍ମରଣ ସଦା କାଳେ ଧ୍ୟ୍ୟାନ
ତାଙ୍କ ଆଶ୍ରା ମୋ ଜୀବନ
ପଥକୁ ଦେଖାଇ ନିଏ ସେଆଗେଇ
ସେ ମୋ ପାଇଁ ମହାଧନ।
କାର୍ତ୍ତିକ ମାସକୁ ପୁଣ୍ୟ ଧର୍ମ ମାସ
ଏ ଆକାଶ ଦୀପ ଜଳେ
ଅନ୍ଧାର ଦୂରେଇ ଆଲୋକ ପଥରେ
ସ୍ମୃତି ଛବି ମହୀ ସ୍ଥଳେ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା