କଳା ମେଘ
ବିଜୟ କୁମାର ଜେନା
କଳା ମେଘ ଦେଖି ଚାଷୀ କୁଳ
ପୁଲକି ଉଠନ୍ତି
କେକୀ ପୁଚ୍ଛ ଟେକି ଆନନ୍ଦ ଉଲ୍ଲାସେ
ନୃତ୍ୟରେ ନିମଗ୍ନ ରହନ୍ତି।
କଳା ମେଘ ନିଜେ ଜାଣେନା ତା ଠାରେ
କେତେ ବାରି ଧାରା ଅଛି
ବିଜୁଳି ତା ଦେହେ ଝଲକି ଝଲକି
ଆନେ ଶଙ୍କା ସୃଷ୍ଟି କରେ।
ବିରହରେ ପ୍ରିୟା କଳା ମେଘ ଦେଖି
ଝୁରେ ପ୍ରେମିକ ପ୍ରବାସେ
ବିଚ୍ଛେଦ ର ସତେ ସନ୍ତକ ଟି ସିଏ
ବିରହ ବେଦନା ଗ୍ରାସେ।
କଳା ମେଘ ପରି ଆମ ଜଗନ୍ନାଥ
ବଦନ ତ ଆହା କଳା
ଦେତେ ଦେଖୁ ଥିଲେ ନୂଆ ଦିଶୁ ଥାନ୍ତି
ଭାବରେ ଭାବରେ ବୋଳା।
ପଶ୍ଚିମ ଆକାଶେ କଳା ମେଘ ଖଣ୍ଡେ
ବର୍ଷେ ଝୁପୂର୍ ଝୁପୁରୁ
ଅଧା ମେଘ ଅଧା ଖରା ଦେଖି ଦେଖି
ଇନ୍ଦ୍ରଧନୁ ଟିଏ ସୃଷ୍ଟି ହୋଇ ଥାଏ
କଳା ମେଘ ର ଗର୍ଭରୁ।
ଅବସର ପ୍ରାପ୍ତ ପ୍ରାଧ୍ୟାପକ ଶାମୁକା ସାହି ରଣପୁର ନୟାଗଡ଼
