ଆହେ ମହାଦେବ
ଦେବଙ୍କର ଦେବ ଆହେ ମହାଦେବ
ଆସିଛି ତୁମ ମନ୍ଦିର
ଆଣିଚି ହେ ପ୍ରଭୁ ଚମ୍ପା ନାଗେଶ୍ଵର
ତ୍ରିସାଖା ବେଲ ପତର।।
କଞ୍ଚା କ୍ଷୀର ସାଥେ ଘିଅ ମହୁ ପ୍ରଭୁ
ଢାଳିବି ଶିରେ ତୁମର
ବାନ୍ଧିଦେବି ପ୍ରଭୁ କୁଞ୍ଚି ଜଟାଭାରେ
ବାସ କୁସୁମର ହାର।।
ତୁମରି ମଥାରେ ଜଳ ଲାଗି କରି
ଲଭିବି ପୁଣ୍ୟ ଅପାର
ଜାଳି ଦେବି ଦୀପ ଭକତି ଅନ୍ତରେ
ଜପିନାମ ଶିବ ଙ୍କର।।
ହେ ଡମ୍ବରୁଧର ଜଗତ ଇଶ୍ଵର
ଜାଣ ଭକତ ଅନ୍ତର
ତୁମେ ସତ୍ୟ ଶିବ ତୁମେ ହିଁ ସୁନ୍ଦର
ଆପେ ଯାଚି ଦିଅ ବର।।
ଆହେ ଆଶୁତୋଷ ଭକତ ବିଶ୍ଵାସ
ସବୁ ମିଛ ତୁମେ ସତ
ଦୁଃଖିଟିଏ ଦୁଃଖ ଜଣାଇଲେ ପ୍ରଭୁ
ଫେଡ ତାହାରି ଆରତ।।
ଆହେ ପଞ୍ଚାନନ ଜଗତ କଲ୍ୟାଣ
ଭସ୍ମ ବୋଳା ଦିଗାମ୍ବର
ବିଭୁତି ଭୂଷଣ ପ୍ରଭୁ କୃତିବାସ
ବ୍ୟାଘ୍ରାମ୍ବର ଧର ହର।।
ଦେବ ଭୂତନାଥ ଶ୍ମଶାନ ବିହାରି
ଶୋଭା ଧବଳ ମୁରତି
ଘୃମିତ ଲୋଚନ ପୀନାକ ଧାରଣ
ପ୍ରଭୁ ନୀଳକଣ୍ଠେଶ୍ଵର
ଯୋଗାଧୀ ପୁରୁଷ ପ୍ରଭୁ ଦୟାମୟ
ମହିମା ତୁମ ଅପାର।।
ଆହେ ମୃତ୍ଯଞ୍ଜୟ ନକର ହେ ଆନ
ତୁମ ପାଦେ ନିବେଦନ
ଆତଙ୍କ ବେଳରେ ଡାକୁଚି ତୁମକୁ
ଦୁଃଖ ନିବାର ବହନ।।
ସଂସାରର ସବୁ ଭରସା ଛାଡିଲି
ତୁମ ପାଦେ ଆଶ୍ରା କଲି
ତୁମେ ପିତା ମାତା ବନ୍ଧୁ ସହୋଦର
ରକ୍ଷାକର ଶୂଳ ଧାରି।।
ମମତା ସାହୁ
ଗାଈଗାଁ,କଳାହାଣ୍ତି
