ମୟୂରଭଞ୍ଜ -୪/୮/୨୨(ମସିହା) ଦିନକୁ ଦିନ ବେକାରୀ ସଂଖ୍ୟା ହୁଏ ହୁଏ ବୃଦ୍ଧି ପାଉଛି । ଏହାକୁ ନେଇ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ଚିନ୍ତିତ ।କରୋନା ପାଇଁ ଦୁଇବର୍ଷ ହେଲା କଳକାରଖାନା ବନ୍ଦ ହୋଇଯାଇଥିଲା । ଯାହାଫଳରେ ବେରୋଜଗାରୀ ସମସ୍ୟା ଉତ୍କଟ ରୂପ ଧରିଥିଲା ।ଏବେ ଧୀରେ ଧୀରେ କଳକାରଖାନା ଖୋଲୁଛି ।ଭାରତର ଅଗ୍ରଣୀ ସିକ୍ଯୁରିଟୀ ଓ ଇଣ୍ଟେଲିଜେନ୍ସ ସଂସ୍ଥା ଏସ ଆଇ ଏସ ବିଭିନ୍ନ କମ୍ପାନୀ ରେ ସୁରକ୍ଷା କର୍ମୀ ଓ ସୁରକ୍ଷା ଅଧିକାରୀ ନିଯୁକ୍ତି ପାଇଁ ମୟୂରଭଞ୍ଜ ଜିଲ୍ଲା ପ୍ରଶାସନ ସହଯୋଗରେ ଵାମନଘାଟୀ ଉପଖଣ୍ଡରେ ବିଭିନ୍ନ ବ୍ଲକରେ ନିଯୁକ୍ତି ମେଳା କାର୍ଯ୍ୟକ୍ରମ ଆୟୋଜନ କରିଥିଲା ।
ଏଥିରେ ବିଭିନ୍ନ ବ୍ଳକର ବିଡ଼ିଓ,ବିପିଏମ ପ୍ରମୁଖ ସହଯୋଗ କରିଥିଲେ । ତିରିଂ ବ୍ଳକର ୧୫ ଜଣ,ବହଳଦା ବ୍ଲକର ୧୦ ଜଣ, ରାଇରଙ୍ଗପୁର ବ୍ଲକର ୩୨ ଜଣ,ବିଶୋଇ ବ୍ଳକର ୧୬ ଜଣ,ଜାମଦା ବ୍ଳକର ୨୭ ଜଣ,ବିଜାତଳା ବ୍ଲକର ୧୧ ଜଣ,କୁସୁମି ବ୍ଲକର ୭ ଜଣ,ରରୁଆଁ ବ୍ଲକର ୩୦ ଜଣ, ଏବଂ ଶୁକ୍ରୁଳି ବ୍ଳକର ୨୪ ଜଣ ତଥା ସମୁଦାୟ ୯ ଟି ବ୍ଳକର ୧୬୪ ଜଣ ଯୁବକମାନଙ୍କୁ ଚୟନ କରାଯାଇଛି । ସେମାନଙ୍କୁ ମାଗଣାରେ ତାଲିମ,ରହିବା,ଖାଇବା,ପୋଷାକ,ଜୋତା ଯୋଗାଇଦେବା ସହ ଭଲ ଭଲ କମ୍ପାନୀରେ ୧୨,୦୦୦ ଟଙ୍କାରୁ ଅଧିକ ବେତନରେ ନିଯୁକ୍ତି ପ୍ରଦାନ କରାଯିବାର ବ୍ୟବସ୍ଥା କରାଯିବ ବୋଲି ଗଣମାଧ୍ୟମକୁ ଏସଆଇଏସ ଅଧିକାରୀ ଦେବୀ ପ୍ରସାଦ ଉତ୍ତରାୟଣ ଗଣମାଧ୍ୟମକୁ ସୂଚନା ଦେଇଥିଲେ । ଯୁବକମାନେ ଜୀବନ ଜୀବିକା ପାଇଁ ଏସଆଇଏସର ଏହି ନିଯୁକ୍ତି ମେଳାର କାର୍ଯ୍ୟକ୍ରମକୁ ନେଇ ସନ୍ତୋଷ ପ୍ରକାଶ କରିବା ସହ ପରିବାରର ବୋଝ ନ ହୋଇ ଆତ୍ମନିର୍ଭରଶୀଳ ହେବା ନେଇ ଆଶ୍ୱସ୍ତି ପ୍ରକାଶ କରିଥିଲେ ।
ମୟୂରଭଞ୍ଜ ରୁ ଅକ୍ଷୟ କୁମାର ବିଶ୍ଵାଳଙ୍କ ରିପୋର୍ଟ
