ନିମ୍ନମାନର କାମ କରି ଠିକାଦାର ଛୁ,
ଯନ୍ତ୍ରୀଙ୍କୁ ପିସି ମିଳିଲେ ହେଲା
ଲାଞ୍ଜିଗଡ଼,୦୮/୦୮ କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକର ଏକ ଗୁରୁତ୍ୱପୂର୍ଣ୍ଣ ଗ୍ରାମପଞ୍ଚାୟତ ହେଉଛି କମର୍ଦ୍ଧା । ସେହିପରି କମର୍ଦ୍ଧା ଗ୍ରାମପଞ୍ଚାୟତର ମୁଖ୍ୟାଳୟ ମଧ୍ୟ କମର୍ଦ୍ଧା ହୋଇଥିବାବେଳେ ବାରଶହ ଜନସଂଖ୍ୟା ବିଶିଷ୍ଟ ଏହି ଗାଁ ତିନୋଟି ୱାର୍ଡରେ ବିଭକ୍ତ ।
ବାରଶହ ଜନସଂଖ୍ୟା ପାଇଁ ପାନୀୟ ଜଳ ସଂକଟ ଏକ ମୁଖ୍ୟ ସମସ୍ୟା ହୋଇଥିବାବେଳେ ବସୁଧା ଯୋଜନାରେ ଗାଁରେ ଗତ ତିନିବର୍ଷ ତଳେ ଏକ ପାନୀୟ ଜଳ ପ୍ରକଳ୍ପ ନିର୍ମାଣ ଆରମ୍ଭ ହୋଇଥିଲା । ଏହି ଯୋଜନାରେ ଓଭରହେଡ ଟ୍ୟାଙ୍କ ନିର୍ମାଣ, ପାଇପ ପୋତିବାଠାରୁ ଆରମ୍ଭ କରି ଷ୍ଟାଣ୍ଡପୋଷ୍ଟ ନିର୍ମାଣ ଓ ବିଦ୍ୟୁତ୍ ସଂଯୋଗ କାମ ମଧ୍ୟ ଶେଷ ହୋଇଥିଲା । 
ଏହି ପ୍ରକଳ୍ପ ନିର୍ମାଣ ଶେଷ ହେବା ଦେଖି ଗ୍ରାମବାସୀ ଦୀର୍ଘ ଦିନର ଜଳକଷ୍ଟ ଦୂର ହେବ ବୋଲି ଆଶା ପ୍ରକାଶ କରିଥିଲେ । ତେବେ ନିର୍ମାଣ ଶେଷ ହେବାର ଦୁଇବର୍ଷ ବିତିସାରିଲାଣି ଆଜି ପର୍ଯ୍ୟନ୍ତ ଏହି ପ୍ରକଳ୍ପରୁ ଜଳଯୋଗାଣ ଆରମ୍ଭ ହୋଇନାହିଁ । 
ନିମ୍ନମାନର କାମ କରି ଠିକାଦାର ନିଜ ଦାୟିତ୍ୱ ସାରି ଦେଇଥିବାବେଳେ ମାତ୍ରାଧିକ ପିସିସ ନେଇ ବିଭାଗୀୟ ଯନ୍ତ୍ରୀ ମାନେ ବିଲ୍ କରିଦେଇଛନ୍ତି । ତେବେ ନିମ୍ନମାନର କାମ ଯୋଗୁଁ ଏବେ ବିଭିନ୍ନ ସ୍ଥାନରେ ପାଇପ ଫାଟିବା ଆରମ୍ଭ ହେଲାଣି । ଏପରି ପରିସ୍ଥିତିରେ ଲୋକେ ପାଣି ପାଇବେ କଣ ଓଭରହେଡ ଟ୍ୟାଙ୍କ ଦେଖି ମୁଣ୍ଡ ବାଡଉଛନ୍ତି ।
ଏଣୁ କମର୍ଦ୍ଧାଠାରେ ନିର୍ମିତ ବସୁଧା ଯୋ ଜନାର ଏକ ନିରପେକ୍ଷ ତଦନ୍ତ ସହିତ ଏଥିରେ ସଂପୃକ୍ତ ଠିକାଦାର ଓ ଯନ୍ତ୍ରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ କମର୍ଦ୍ଧା ଅଞ୍ଚଳବାସୀ ଦାବି କରିଛନ୍ତି । ଏହାସହିତ କମର୍ଦ୍ଧାର ପାନୀୟ ଜଳକଷ୍ଟ ଦୂର କରିବାକୁ ପଦକ୍ଷେପ ନେବାକୁ ସେମାନେ ଦାବି କରିଛନ୍ତି ।
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
