ଜୟ ଜଗନ୍ନାଥ
ଜଗନ୍ନାଥ ନାମ ବହିଅଛ ପ୍ରଭୂ
ନୀଳଗିରି ନାଥ ବାସି
ଜଗତର ଦୁଃଖ କେବେ ନିବାରିବ
ସବୁ ଶୁଣି ହୁଅ ଖୁସି
ସତେ କଣ ତୁମେ ଦାରୁଭୁତ ହୋଇ
କିଛି ପାରୁନାହିଁ ବୁଝି
ସବୁ ଜାଣି ଶୁଣି ଅଜଣା ସାଜିଛ
କଳିର ପାଉଣା ସୁଝି
କୁହ ମହାବାହୁ ତୁମେ ଥାଉ ଥାଉ
କିଏ କରିବ କରୁଣା
ଭବ ଭେଳା ପାରି କର ନାରାୟଣ
କାହିଁକି କରୁଣା ଉଣା
ମିଛେ ଅଭିମାନ କରୁଅଛ ପ୍ରଭୂ
ତୁମ ଗଢା ଏ ସଂସାର
କରୁଣାରୁ ଉଣା କଲେ ମହାବାହୁ
ନାବ କେ କରିବ ପାର
ଆହେ ଜଗତ ଠାକୁର
ବିଳାସିନୀ ପୃଷ୍ଟି
ଭୁବନ, ଢେଙ୍କାନାଳ
