ରାଇଘର ୧୪/୦୮/୨୨- ନବରଙ୍ଗପୁର ଜିଲ୍ଲା ରାଇଘର ବ୍ଲକ ରେ ଜଣେ ଦାଦନ ମହିଳାଙ୍କ ମୃତ୍ୟୁ ଖବର ଆସିଥିବା ଜଣାପଡିଛି l ରାଇଘର ସଦର ମହକୁମାର ସ୍ଥିତ କୁମ୍ଭାରପାରା ସାହିର ସ୍ବର୍ଗତ ପରାଉ ଗଣ୍ଡ ଙ୍କ ଝିଅ ମଥୁରା ଗଣ୍ଡ( ୩୫)ରାଇଘର ରେ ବିବାହ କରିଥିଲେ, ବିବାହ ର କିଛି ଦିନ ପରେ ସ୍ଵାମୀଙ୍କ ଦେହାନ୍ତ ହୋଇଥିଲା l ପୁଅ ଝିଅ କୁ ନେଇ ବିଭିନ୍ନ ସ୍ଥାନରେ କୁଲି କାମ କରି ପେଟ ପାଟଣା କରୁଥିଲେ l କିଛି ଦିନ ପରେ ପ୍ରଥମେ ଝିଅର ମୃତ ହୋଇଥିଲା ଓ ପରେ ପୁଅ ର ମୃତ୍ୟୁ ହେବା ପରେ ମଥୁରା ନିଜ ମା ଘରକୁ ଫେରିଥିଲେ l ମା ଘରେ ରହି କୁଲି କାମ କରି ଚଳି ଆସୁଥିଲେ l ଦୁଇ ବର୍ଷ ତଳେ କୁମ୍ଭାରପାରା ସାହିର ଜଣେ ବ୍ୟକ୍ତିଙ୍କ ସହ ହାଇଦ୍ରାବାଦ ଜୟପୁର ର ସିବି କୋଲନୀ ଠାରେ ରହି ଶ୍ରମିକ ଭାବେ କାର୍ଯ୍ୟ କରୁଥିଲେ l ବାପା ପରାଉ ଗଣ୍ଡଙ୍କ ମୃତ୍ୟୁ ପରେ ମାଆ ବିଲା ବାଇ ଗଣ୍ଡ ପୁଅ ଦେଓ କରଣ ଗଣ୍ଡ ସହ ରହି ଆସୁଥିଲେ l ତେବେ ସମ୍ପୁର୍ଣ ପରିବାର ଗରିବ ଶ୍ରେଣୀର ହୋଇଥିବା ବେଳେ ଶୁକ୍ରବାର ସନ୍ଧ୍ୟାରେ ଏହି ଦୁଖଦ ଖବର ସାମ୍ନାକୁ ଆସିଥିବା ବେଳେ ପରିବାରବର୍ଗ ସମ୍ପୁର୍ଣ ଭାଙ୍ଗି ଯାଇଛନ୍ତି l ଘର ଭିତରେ ମଥୁରା ଫାସି ହୋଇ ମୃତ୍ୟୁ ବରଣ କରିଥିବା ଖବର ସାମ୍ନାକୁ ଆସିବା ପରେ ଭାଇ ଦେଓ କରଣ ଏହାକୁ ସହଜେ ଗ୍ରହଣ କରି ନାହାନ୍ତି l ଘଟଣା ସମ୍ପର୍କରେ ରାଇଘର ଥାନାରେ ଅବଗତ କରିଥିଲେ ଥାନା ପକ୍ଷରୁ ଯୋଗା ଯୋଗ କରିବା ପରେ ମଥୁରାର ଶବ ବ୍ୟବଚ୍ଛେଦ ପରେ ହାଇଦ୍ରାବାଦ ଠାରୁ ରାଇଘର ଆଣିବା ବ୍ୟବସ୍ଥା ହେଉଥିବା ଜଣାପଡିଛି l ତେବେ ରାଇଘର ବ୍ଲକରେ ଦାଦନ ମୃତ୍ୟୁ କ୍ରମାଗତ ବୃଦ୍ଧି ପାଉଥିବା ବେଳେ ପ୍ରସାଶନିକ ସ୍ତରରେ ଏହି ଘଟଣା ଉପରେ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହୋଇଛି l ଅନ୍ୟପଟେ ପରିବାରବର୍ଗ ମଥୁରାର ଶବ ଆସିବା ବାଟକୁ ଅନେକ ବସିଛନ୍ତି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ
