ଜଣାଣ

ମାନଗୋବିନ୍ଦ ସ୍ବାଇଁ

ବ୍ରହ୍ମ ଅଭିଶାପ ପଡୁ ମୋ ଉପରେ

     ଜଗତ ଉଦ୍ଧାର ହେଉ

ଯେମିତି ଚାହିଁଛି ସେମିତି ଚାହିଁ ଥା

     ଆହେ ଚକା ମହାବାହୁ।

ଧରଣୀର ଦୁଃଖ ନିତି ବଢ଼ି ଚାଲେ

    କିଏବା ବୁଝିବ ଆଉ

ପ୍ରଭୁ ତୁମେ ଥାଉ ଆଉ କାହା ପାଶେ

    ହାତ ପତାଇବି ଆଉ।

ସବୁ ଛାଡ଼ି ଦେଲି ଭରସା ରହିଲି

    ବୁଝିବ ମୋ ଭାବ ଦିନ

ଦୁଃଖ ର ସଂସାର ଏଆଖି ଦେଖୁଛି

    ଦୟାକର ପ୍ରଭୁ ଦୀନ।

ତୋ ବାନା ଚାହିଁ କି ଦିନ କଟି ଯାଉ

    ଏତିକି କରୁଛି ଅଳି

ଜପୁଥିବି ଖାଲି ତୋ ନାମ ଧରି କି

    ଭଜୁଥିବି ଜପାମାଳି।

ଦିଅ ମନ୍ତ୍ର ଟିକେ ଧରା ଦୁଃଖ କଷ୍ଟ

    ଚିରଦିନ ସଦା ଯାଉ

ତୋ ଦର୍ଶନ କରି ବାଇଶି ପାହାଚେ

   ଦୁଃଖ ଶୁଣ ମହାବାହୁ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା