ଢେଙ୍କାନାଳ -20/8/22 ଆଜି ପୂର୍ବାହ୍ନରେ ଜିଲ୍ଲା କାର୍ଯ୍ୟାଳୟର ସଦଭାବନା ସଭାଗୃହଠାରେ ସଦଭାବନା ଦିବସ ପାଳିତ ହୋଇଯାଇଛି । ଏହି ଅବସରରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ ଜିଲ୍ଲା କାର୍ଯ୍ୟାଳୟର ସମସ୍ତ ଅଧିକାରୀମାନଙ୍କୁ ସଦଭାବନା ଶପଥ ପାଠ କରାଇଥିଲେ ।ଜାତି, ଧର୍ମ, ସମ୍ପ୍ରଦାୟ ଓ ଭାଷା ଭେଦଭାବ ବିନା ସମସ୍ତ ଭାରତବାସୀଙ୍କ ଏକତା ଓ ସଦଭାବନା ପାଇଁ କାର୍ଯ୍ୟ କରିବି । ମୁଁ କୌଣସି ହିଂସା ଆଚରଣ ନ କରି ସମସ୍ତ ପ୍ରକାର ମତଭେଦକୁ ମତ ବିନିମୟ ଓ ସାମ୍ବିଧାନିକ ପ୍ରକ୍ରିୟା କ୍ରମେ ସମାଧାନ କରିବି ବୋଲି ଉପସ୍ଥିତ ସମସ୍ତ ଅଧିକାରୀ ଓ କର୍ମଚାରୀମାନେ ଶପଥ ନେଇଥିଲେ।ଏହି ଅବସରରେ, ସମ୍ପ୍ରତି ରାଜ୍ୟରେ ଲଗାଣ ବର୍ଷା ଓ ବନ୍ୟା ଯୋଗୁଁ ପ୍ରଭାବିତ ଲୋକଙ୍କ ସହାୟତା ନିମନ୍ତେ ଜିଲ୍ଲା କାର୍ଯ୍ୟାଳୟର ସମସ୍ତ ତୃତୀୟ ଶ୍ରେଣୀ କର୍ମଚାରୀ ଓ ଅଧିକାରୀ ମାନେ ସେମାନଙ୍କର ଗୋଟିଏ ଦିନର ଦରମା ପ୍ରାୟ ୮୬ ହଜାର ଟଙ୍କା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଦାନ କରିବାକୁ ଘୋଷଣା କରିଛନ୍ତି । କର୍ମଚାରୀଙ୍କ ଉଦାର ଓ ସହଯୋଗ ମନୋଭାବ ନିମନ୍ତେ ଜିଲ୍ଲାପାଳ ସମସ୍ତଙ୍କୁ ସାଧୁବାଦ ଜଣାଇ ପ୍ରଶଂସା କରିଛନ୍ତି ।
ଢ଼େଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ
