ଠିକଣା
ଲତା ବେହେରା
ଭୁଲି ଯାଇଅଛି ନିଜର ଠିକଣା
ତୋ ପାଇଁରେ ପ୍ରିୟା ମୁଁ
ଏଇ ଆଖି ତୋତେ ଖୋଜିରେ ପାଉନି
କେଉଁଠି ଅଛୁରେ ତୁ ?
ହୃଦୟ ଇଲାକେ କରିଛୁ ତୁ ଘର
ତେତେ ଭଲ ପାଏ ମୁଁ
କେଉଁଠି ହଜିଲୁ ଠିକଣା ଭୁଲିଲୁ
ଆ ରେ ସାଥି ଆ ମୋ ତୁ ।
ଭରିଲୁ କେତେ ସପନ
ଦେଲୁରେ ମୋତେ ଜୀବନ
କେଉଁଠି ଠିକଣା ଆଜି
ହଜେଇଲୁ ତୁ ।
ତୋ ପାଇଁ ଭୁଲିଗଲି ଏ ସାରା ଦୁନିଆ
ତୋ ପ୍ରେମ କରି ଦେଲା ମୋତେରେ କିମିଆ
ଭୁଲି ଗଲି ଭୋକ ଶୋଷ ତୋ ପ୍ରେମରେ ପଡି
ଯିଏ ଦେଖେ ହସି କହେ ଭଲ ଆମ ଯୋଡି
ନୀଳ ନୀଳ ଆଖି ତୋର
ମାରେ ସାଥି ପ୍ରେମ ଶର
ତୋ ପ୍ରେମରେ ମତୁଆଲା
ହେଇଛିରେ ମୁଁ ।
କେମିତି ଠିକଣା ମୋର
ଭୁଲିଗଲୁ ତୁ ।
ତୁ ଯେବେ ଡାକି ଦେଉ ମୁଁ ଧାଇଁ ଯାଏ
ଜୀବନଠୁ ବେଶୀ ସାଥି ତୋତେ ଭଲ ପାଏ ।
ମୁଁ ଯଦି ବଞ୍ଚିଛି ଆଜି ଏକା ତୋ ପାଇଁ
ତୋତେ ଛାଡି କେବେ ପ୍ରିୟା ପାରିବିନି ଜୀଇଁ
ହେବୁନି ତୁ ବାଟ ବଣା
ଚିଠିରେ ଅଛି ଠିକଣା
ମଶାଣୀ ଜୁଇରେ ତୋତେ
ଚାହିଁଛିରେ ମୁଁ
ଶେଷ ଥର ପାଇଁ ଦେଖା
କରିବୁରେ ତୁ ।
ପାଇଲିନି ତୋ ଠିକଣା ଥକି ଗଲା ଆଖି
ଏ ମଶାଣୀ ପାଉଁଶ ମୋ ହେଲା ପ୍ରେମ ସାକ୍ଷୀ
ଭୁଲ୍ ବୁଝିବୁନି ପ୍ରିୟା ଦେଇନି ମୁଁ ଧୋକା
ତୁ ମୋ ପ୍ରେମିକା ଥିଲୁ ତୁ ମୋ ନାୟିକା ।
ଆଖିରେ ରହିଛୁ ତୁ
ରକତରେ ଲେଖା ତୁ
ତୋ ପାଇଁ ମଶାଣୀରେ
ଶୋଇଗଲି ମୁଁ ।
ଭୁଲିବୁନି ଏ ଠିକଣା
ଆସିବୁରେ ତୁ ।
ଲତା ବେହେରା
ଜକା, ଢେଙ୍କାନାଳ
