ଜୟ ବିନାୟକ
ପ୍ରଣତି ମହାପାତ୍ର
ଅଗ୍ରପୂଜ୍ୟ ବିନାୟକ ପାର୍ବତୀ ତନୟ
ଘେନ ପ୍ରଣାମ ଆମ୍ଭର ,
ବିଦ୍ୟାଦାତା ସର୍ବ ଶୁଭକର୍ତ୍ତା ମୂଷିକ
ବାହନ ହେ କୃକୋଦର ।
ଗଜ ବଦନାୟ ସିଦ୍ଧିବୁଦ୍ଧି ଦାତା
ଓଁ ଗଂ ଗଣପତୟେ ନମଃ,
ପରଶୁ,ପାଶ,ଅଂଙ୍କୁଶ ଆୟୁଧାୟ
ଜୟ ଗଣେଶାୟ ନମୋନମଃ।
ବିଘ୍ନହର୍ତ୍ତାପ୍ରଭୁ ତୁମେ ଧୂମ୍ରକେତୁ
ଗଣାଧ୍ୟକ୍ଷ ବିଘ୍ନହର,
ସୁମୂଖ,ବ୍ରହ୍ମଣସ୍ପତି ଶୂପକର୍ଣ୍ଣ
ବିଘ୍ନେଶ୍ୱର ମୟୂରେଶ୍ୱର।
ଏକଦନ୍ତ, କୃଷ୍ଣପିଙ୍ଗାକ୍ଷ ଗଜବକ୍ରାୟ
ଗଣପତି ଗଜାନନ ,
ଗ’ରେ ମୋକ୍ଷ ସମାଧିର ଯୋଗୀ
ଜ’ସାଂସାରିକ ଦୃଷ୍ଟିକୋଣ।
ମୋକ୍ଷଦାୟକ ଗଜାନନ ପ୍ରଭୁ
ବକ୍ରତୁଣ୍ଡାୟ ନମୋନମଃ ,
ବିଘ୍ନ ରାଜେନ୍ଦ୍ର ଭାଲଚନ୍ଦ୍ର ବିକଟ
ଲମ୍ବୋଦରାୟ ନମୋନମଃ ।
ଓମ୍ ଗଂ ଗଣପତୟେ ନମଃ
ଫକୀରମୋହନ ନଗର
ବାଲେଶ୍ବର
