ଦେଶ ସ୍ବାଧୀନତାର ଅମୃତ ମହୋତ୍ସବ ପାଳନ ଅବସରରେ ସମଗ୍ର ରାଜ୍ୟ ପରିଭ୍ରମଣ କରୁଥିବା ଅହିଂସା ରଥ ଆଜି ନୂଆପଡ଼ା ଜିଲ୍ଲା ଅତିକ୍ରମ କରି କଳାହାଣ୍ଡି ଜିଲ୍ଲା ରେ ପ୍ରବେଶ କରିଛି । ଗୋଲାମୁଣ୍ଡା ରେ ଅଧ୍ୟକ୍ଷ ବିନ୍ଦୁ ମହାନନ୍ଦ ଙ୍କ ନେତୃତ୍ୱ ରେ ବ୍ଲକ ପ୍ରଶାସନ ପକ୍ଷରୁ ପ୍ରଥମେ ଅହିଂସା ରଥ କୁ ସ୍ଵାଗତ କରାଯାଇଥିଲା । 
ପରେ ପରେ ଏହା ଧର୍ମଗଡ ବ୍ଲକ ଅଞ୍ଚଳକୁ ଆସିଥିବା ବେଳେ ପ୍ରବେଶ ଦ୍ଵାର ଖମାର ହଳଦୀ ଠାରେ ରଥ କୁ ସ୍ୱାଗତ କରାଯାଇଥିଲା । ଉପଜିଲ୍ଲପାଳ ପାୱାର ସଚିନ ପ୍ରକାଶ, ଆଇଏଏସ, ଧର୍ମଗଡ ବ୍ଲକ ଅଧ୍ୟକ୍ଷା ଶ୍ରୀମତୀ ବବିତା ପଟ୍ଟଯୋଷୀ, ବିଡ଼ିଓ ଶରତ କୁମାର ସେଠୀ, ଜିପିଓ ସୁଧାଂଶୁ ଶେଖର ନାଏକ, ଜିଲ୍ଲାପରିଷଦ ସଦସ୍ୟ ଗୋପୀନାଥ ମହାନନ୍ଦ, ଯନ୍ତ୍ରୀ ବିରେନ୍ଦ୍ର ମେହେର ବିଭିନ୍ନ ପଞ୍ଚାୟତ ର ସରପଞ୍ଚ, 
ସମିତି ସଭ୍ୟ ଓ ସ୍କୁଲ ଛାତ୍ର ଛାତ୍ରୀ ସମେତ ଗ୍ରାମ ବାସୀ ମାନେ ଅହିଂସା ରଥ କୁ ସ୍ଵାଗତ କରିଥିଲେ । ସେହିପରି ଚ୍ଛେଣ୍ଡିଆ ଗ୍ରାମ ଠାରେ ସରପଞ୍ଚ ମନୋଜ କୁମାର ନାଏକ, ରାମକୃଷ୍ଣ ଉଚ୍ଚ ବିଦ୍ୟାଳୟ ର ଛାତ୍ର ଛାତ୍ରୀ ମାନେ ସ୍ବାଗତ ଜଣାଇ ଥିଲେ । ବିଜୁ ଏକ୍ସ ପ୍ରେସ ରାସ୍ତା ଗୋଲେଇ ଛକ ନିକଟରେ ଛିଲିପା ସରପଞ୍ଚ ବିଭୁଦତ୍ତ ପ୍ରଧାନୀ ଙ୍କ ନେତୃତ୍ଵ ରେ ଗ୍ରାମ ବାସୀ ସାଂସ୍କୃତିକଦଳ ସହ ରଥ କୁ ସ୍ୱାଗତ କରିଥିଲେ । ଅହିଂସା ରଥ ବ୍ଲକ ର ଶେଷ ମୁଣ୍ଡ ବେହେରା ଗ୍ରାମ ପର୍ଯ୍ୟନ୍ତ ପରିକ୍ରମା କରି ଧର୍ମଗଡ ଏନଏସି କୁ ଫେରି ଥିଲା ।
ସ୍ଥାନୀୟ ବିଜୁ କଲ୍ୟାଣ ମଣ୍ଡପ ଠାରେ ସାଂସ୍କୃତିକ କାର୍ଯ୍ୟ କ୍ରମ ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମ ରେ ଧର୍ମଗଡ ବିଧାୟକ ମୌଷଧି ବାଗ ଅତିଥି ଭାବେ ଯୋଗ ଦେଇଥିବା ବେଳେ ଧର୍ମଗଡ ଏନଏସି ଅଧ୍ୟକ୍ଷ ଅଶୋକ କୁମାର ମହାନ୍ତି ଯୋଗଦେଇ ଥିଲେ। ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋଜ କୁମାର ବେହେରା ଓ ରମେଶ ସିଂ ସମଗ୍ର କାର୍ଯ୍ୟକ୍ରମର ପରିଚାଳନା କରିଥିଲେ। ଧର୍ମଗଡ ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ରଥ ର ରାତ୍ର ରହଣୀ ହୋଈ ଥିଲା । ଆଜି ଏଥି ରଥ ଜୁନାଗଡ ବ୍ଲକ ଅଭିମୁଖେ ଯାତ୍ରା କରିବ ।
ବିଦ୍ୟାଧର ସାହୁଙ୍କ ରିପୋର୍ଟ…..
