ନବରଙ୍ଗପୁର–(ମନିସ) ନବରଙ୍ଗପୁର ଜିଲ୍ଲା ସଦର ବ୍ଳକ ଅନ୍ତର୍ଗତ ତାରାଗାଁ ଛକ ନିକଟରେ ଏକ ପ୍ଲାଏବୋର୍ଡ ବୋଝେଇ ପିକ୍ଓପ୍ ଭେନ୍ ଭାରସାମ୍ୟ ହରାଇ 26 ନମ୍ବର ଜାତୀୟ ରାଜପଥ ରାସ୍ତା ପାର୍ଶ୍ୱରେ ଓଲଟି ପଡିଛି |ସୂଚନା ମୁତାବକ ଗାଡି ନମ୍ବର ସିଜି 04 ଏମଏସ୍ 8256 ପିକ୍ଓପ୍ ଭେନ୍ ଟି ରାୟପୁର ରୁ ପ୍ଲାଏବୋର୍ଡ ବୋଝେଇ ନବରଙ୍ଗପୁର ଅଭିମୁଖେ ବାହାରିଥିଲା | ରାତି ପ୍ରାୟ 12ଟା ବେଳେ 26 ନମ୍ବର ଜାତୀୟ ରାଜପଥ ତାରାଗାଁ ଛକ ନିକଟରେ ଗାଡି ସମ୍ମୁଖରେ ହଠାତ ଏକ ଅଜଣା ଜନ୍ତୁ ଆସିଯିବାରୁ ଡ୍ରାଇଭର ଭାରସାମ୍ୟ ହରାଇବା ଫଳରେ ରାସ୍ତା ପାର୍ଶ୍ୱରେ ପିକ୍ଓପ୍ ଭେନ୍ ଟି ଓଲଟି ପଡିଥିଲା | ଗାଡିଟି ରେ ବୋଝେଇ ହୋଇଥିବା ପ୍ଲାଏବୋର୍ଡ ରାସ୍ତା ଓ ରାସ୍ତା ପାର୍ଶ୍ୱରେ ଛିଟିକି ପଡିଥିଲା | ଗାଡିର ଡ୍ରାଇଭର ଓ ହେଲ୍ପର ମୃତ୍ୟୁମୁଖରୁ ଅଳ୍ପକେ ବର୍ତ୍ତିଯାଇଥିବା ବେଳେ ରାସ୍ତା କଡ଼ରେ ଥିବା ପାନ ଦୋକାନ ସମ୍ମୁଖ ଛପର ଏବଂ ଏକ କୁଡ଼ିଆ ପ୍ଲାଏବାର୍ଡ ମାଡ଼ରେ ଭାଙ୍ଗିଯାଇଥିବା ଦେଖିବାକୁ ମିଳିଛି |
ନବରଙ୍ଗପୁର ଜିଲ୍ଲାରୁ ରବିନାରାୟଣ ମହାନ୍ତି ଙ୍କ ରିପୋର୍ଟ ମସୀହା ନିୟୁଜ୍।