କୋକସରା,୧୨/୯-( ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକ କୋକସରା ପଞ୍ଚାୟତ ଚିଲିଗୁଡା ଗ୍ରାମର ନେତ୍ର ମୋହନ ଖମାରି ଙ୍କ ପୁଅ ସୁଶାନ୍ତ ଖମାରି (୨୦) ବିଷ ପାନ କରି ଜୀବନ ହାରିଥିବା ଅଭିଯୋଗ ହୋଇଛି। ସୂଚନା ମତେ କୌଣସି କାରଣକୁ ନେଇ ଯୁବକ ସୁଶାନ୍ତ ମାନସିକ ଚାପରେ ରହୁଥିଲେ ଶନିବାର ସନ୍ଧ୍ୟାରେ ସେ ବିଷ ପାନ କରି ଗୁରୁତର ହୋଇ ପଡ଼ିଥିବା ବେଳେ ପରିବାର ଲୋକେ ଗୁରୁତର ଅବସ୍ଥାରେ ଯୁବକଙ୍କୁ ପ୍ରଥମେ ସ୍ଥାନୀୟ କୋକସରା ଡାକ୍ତରଖାନାରେ ଭର୍ତି କରିଥିଲେ । ହେଲେ ଅବସ୍ଥା ଗୁରୁତର ଥିବାରୁ ଡାକ୍ତର ତାଙ୍କୁ ଜିଲ୍ଲା ଡାକ୍ତରଖାନା ଭବାନୀପାଟଣାକୁ ଚିକିତ୍ସା ପାଇଁ ସ୍ଥାନାନ୍ତରିତ କରିଥିଲେ । ତେବେ ରବିବାର ସକାଳେ ବିଷକ୍ରିୟା କାରଣରୁ ଯୁବକଙ୍କ ମୃତ୍ୟୁ ହୋଇଛି। ମୃତ୍ୟୁର କାରଣ ଅସ୍ପଷ୍ଟ ରହିଛି । ପୁଲିସ ର ତଦନ୍ତ ଜାରି ରହିଛି।ଏନେଇ କୋକସରା ଥାନା ୧୯/୨୨ ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିଥିବା ନେଇ କୋକସରା ଥାନାର ତଦନ୍ତକାରୀ ପୁଲିସ ଅଧିକାରୀ ହେମନ୍ତ କୁମାର ପାତ୍ର ସୂଚନା ଦେଇଛନ୍ତି।