ମ.ରାମପୁର,୧୯/୦୯ (ମସୀହା ):।କଳାହାଣ୍ଡି ଜିଲ୍ଲା ମ. ରାମପୁର ବ୍ଳକର ମାଣିକେରା ଗାଁ ନିକଟ ରେ ଏକ ଟେମ୍ପୋ ଗାଡ଼ିରେ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ଉକ୍ତ ଗାଡିକୁ ଏବଂ ୨ ବସ୍ତା ଗଞ୍ଜେଇକୁ ପୋଲିସ ଜବତ କରିଥିବା ଖବର ଜଣାଯାଇଛି। ଆଜି ମୋହନଗିରି ଫାଣ୍ଡି ପୋଲିସ ଓ ମ. ରାମପୁର ପୋଲିସ ବିଶେଷ ସୂତ୍ରରୁ ଖବର ପାଇ ପୂର୍ବାହ୍ନ ପ୍ରାୟ ୯ ଘଣ୍ଟା ସମୟରେ ମାନିକେରା ଗାଁ ନିକଟରେ ଜଗି ରହିଥିଲେ l ଏହି ଟେମ୍ପୋ ଗାଡିଟି ମୋହନଗିରି ପଟୁ ମ.ରାମପୁର ଆଡ଼କୁ ଆସୁଥିବା ବେଳେ ମାଣିକେରା ଗାଁ ପାଖରେ ପୋଲିସ କୁ ଦେଖି ଅଟୋ ଚାଳକ ଗାଡି ଛାଡ଼ି ଫେରାର ହୋଇ ଯାଇଥିଲା l ଚାଳକ ସହିତ ଆଉ ଦୁଇ ଜଣ ଯୁବକ ମଧ୍ୟ ରହିଥିଲେ l ସେ ଦୁହେଁ ମଧ୍ୟ ଦୌଡ଼ି ପଳେଇ ଥିଲେ l ଗାଡି ଷ୍ଟାର୍ଟ ଥିବାରୁ ନିକଟରେ ଥିବା ପାଜିକେରି ଗାଁର ଜଣେ ବ୍ୟକ୍ତିଙ୍କର ଏକ ମୋଟରସାଇକେଲ କୁ ଧକା ଦେଇଥିଲା l ଜବତ ଗାଡ଼ି ଓ ଗଞ୍ଜେଇ କୁ ମୋହନଗିରି ଫାଣ୍ଡି ରେ ରଖାଯାଇଥିବା ବେଳେ ଘଟଣା ର ତଦନ୍ତ ଜାରି ରଖିଛି ପୋଲିସ୍। ଗାଡି ର ନମ୍ବର ଓଡି ୩୧ଡି ୬୮୦୩ ରହି ଥିବା ବେଳେ ଉକ୍ତ ଗାଡ଼ିରେ ୩ ଜଣ ଯୁବକ ଥିବା ସ୍ଥାନୀୟ ଲୋକେ କହିଛନ୍ତି। ହେଲେ ଖବର ଲେଖାହେବା ପର୍ଯ୍ୟନ୍ତ ପୋଲିସ କାହାକୁ ଗିରଫ କରିନଥିବା ସୂଚନା ମିଳିଛି।
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ l
