ଆଶା

ନଳିନୀ ପ୍ରଭା ମିଶ୍ର

ଆଶା ହିଁ ସୂରୁଜ ପ୍ରଭାତେ

  ଉଦିତ ସତେଜ କିରଣ ଭଳି

ଆଶା ହିଁ ସୁମନ ଆଗାମୀ ସପନ

  ପ୍ରସଫୁଟିତ ନବ କଳି।

ଆଶା ହିଁ ମନ ର ସପ୍ତ ଇନ୍ଦ୍ର ଧନୁ

  କ୍ଷଣ ପ୍ରଭ ମନାକାଶେ

ଆଶା ଜୀବନ ର ମରୁଭୂମି

  ପରେ ମୃଗତଷ୍ଣା ହୋଇ ଆସେ।

ଆଶା ହିଁ ଆଗାମୀ ବଞ୍ଚିବା ର

  ଲାଗି ଜୀବନର ଲକ୍ଷ୍ୟ ସ୍ଥଳ

ଆଶା ହିଁ ପିପାସୀ ପ୍ରଣୟୀ ମନର

  ନବୀନ ଭାବ ସକଳ।

ଆଶା ମହା ତୃଷ୍ଣା ଆଶା ହିଁ

  ବିତୃଷ୍ଣା ଆଶା ହିଁ ମନର ଭ୍ରମ

ଆଶା ଜୀବନ ର ପ୍ରତିଦାନ ରୂପ

  ମଣିଷ ମନର ମର୍ମ।

ଆଶା ହିଁ ତରଣୀ ଆଶା ନିର୍ଝରିଣୀ

  ମନୁଷ୍ୟ ର ଲକ୍ଷ୍ୟ ସ୍ଥଳ

ଆଶା ହିଁ ମନକୁ କରିଥାଏ ଦୃଢ଼

  ଭରି ଦେଇ ମନୋବଳ।

ଆଶା ପାରିଜାତ ନନ୍ଦନ କାନନେ

  ସୁଗନ୍ଧିତ ଏକ ପୁଷ୍ପ

କା ପାଇଁ ସଫଳ କା ପାଇଁ ବିଫଳ

  କାହା ପାଇଁ ଅବଶୋଷ।

ଆଶା ବିନା କିବା! ଜୀବନ ର

  ସ୍ଥିତି ଆଶା ହିଁ ମନର ଧନ

ଆଶା ଠାରୁ ବଳି ଅଛି କି! ନିଜର

  ବଞ୍ଚିବା ର ଉପାଦାନ।

ମୁକୁନ୍ଦ ପୁର, ଆସ୍କା, ଗଞ୍ଜାମ