ରାଉରକେଲା/ ନିଖିଳ ଭାରତ ବଙ୍ଗ ସାହିତ୍ୟ , ରାଉରକେଲା ଶାଖା ପକ୍ଷରୁ ଏକ ସମ୍ମିଳନୀ ରାଉରକେଲା କ୍ଲବ ଠାରେ ଅନୁଷ୍ଠିତ ହୋଇଯାଇଛି। ରାଉରକେଲା ଶାଖାର ସଭାପତି ପି କେ ସୋମଙ୍କ ସଭାପତିତ୍ବ ଓ ସାଧାରଣ ସଂପାଦକ ଦିଲିପ କୁମାର ଭୁଇଙ୍କ ଆବାହକତ୍ବରେ ଆୟୋଜିତ
ଏହି କାର୍ଯ୍ୟକ୍ରମରେ ଓଡ଼ିଶା, ବିହାର ଓ ଝାଡଖଣ୍ଡ ଦାୟିତ୍ୱରେ ଥିବା ଜୋନାଲ କମିଟିର ସଂପାଦକ ବିପୁଲ ଗୁପ୍ତା ମୁଖ୍ୟଅତିଥି ଓ କେନ୍ଦ୍ରୀୟ ଉପସଭାପତି ମନୋଜ ଶତପଥୀ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ମୁଖ୍ୟ ଅତିଥି ଶ୍ରୀ ଗୁପ୍ତା ନିଖିଳ ଭାରତ ବଙ୍ଗ ସାହିତ୍ୟର ଇତିହାସ ସଂପର୍କରେ ବକ୍ତବ୍ଯ 
ରଖିଥିଲାବେଳେ ରାଉରକେଲା ଶାଖା ସଭାପତି ଶ୍ରୀ ସୋମ ଅନୁଷ୍ଠାନର କାର୍ଯ୍ୟକ୍ରମ ଓ ସାଧାରଣ ସଂପାଦକ ଶ୍ରୀ ଭୁଇ ଅନୁଷ୍ଠାନର ଅଗ୍ରଗତି ସମ୍ପର୍କରେ ବକ୍ତବ୍ଯ ରଖିଥିଲେ । ଏହି ଅବସରରେ ଶ୍ରୀ ଭୁଇ, ଶିକ୍ଷା ପରିଷଦର ସଂପାଦକ ପୂର୍ଣ୍ଣିମା ଦସ୍ତିଦାର, ବରିଷ୍ଠ ସଦସ୍ୟ ପି କେ ଦସ୍ତିଦାର, ଛବି ଦାସ, ସାଇଲେନ ଭଟ୍ଟାଚାର୍ଯ୍ୟୀ ଙ୍କୁ ଅତିଥିମାନେ ସମ୍ବର୍ଦ୍ଧିତ କରିଥିଲେ ।
ସାଂସ୍କୃତିକ ସଂପାଦିକା ସୁସ୍ମିତା ନାସ୍କର ଓ ଛବି ଦାଅଙ୍କ ସଂଯୋଜନାରେ ଆତିଶ ସରକାର ଓ ସଂଚିତା ଚୌଧୁରୀ ସଂଗୀତ, ଆଲୋକ ବାନାର୍ଜୀ ଓ ସୋମ ନାସ୍କର କବିତା ପାଠ,ସୁଚିସ୍ମିତା ବିଶ୍ବାସ ଓ କୋଏନା ଦସ୍ତିଦାର ନୃତ୍ୟ ପରିବେଷଣ କରିଥିଲେ । ଏହି ଅବସରରେ ଅନୁଷ୍ଠାନ ତରଫରୁ ମୁଖ୍ୟଅତିଥି ଓ ସମ୍ମାନିତ ଅତିଥିଙ୍କୁ ସମ୍ବର୍ଦ୍ଧିତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ରିମି ଚକ୍ରବର୍ତ୍ତୀ,ସୁସ୍ମିତା ନାସ୍କର, ସୋମ ବୈରାଗୀ, ସଂଜୁକ୍ତା ସେନ,ଆୟୋନ ଦେବ, ପପିୟା ମଜୁମଦାର, ଦିପାଳୀ ବାନାର୍ଜୀ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ 
