ମିଛ ମଣିଷ

କୁମାରୀ କଳିକା କୃଷ୍ଣାବେଣୀର

    କୁଞ୍ଜବନରେ କୋହ

ପ୍ରଣୟ ବିଚ୍ଛେଦ ବିଷାଦ ମୂର୍ଚ୍ଛନା

     ନୟନରେ ଭରେ ଲୁହ ।

ନୀରବତା ନୀର ନିଭେଇ ଦେଇଛି 

    ଶୃଙ୍ଗାରର ଅଙ୍ଗରାଗ

ଚିକଣ ଗଣ୍ଡରେ ଛିଟିକି ପଡିନି

    ଗୋଧୂଳି ସଂଧ୍ୟାର ରାଗ ।

ସପନ ଲାଖୁନି ଆଖିର ନିଦରେ

    ଅବସୋସେ ଅସହାୟ

ନିଷ୍ପ୍ରଦୀପ ତା ନୀଳ ନୀଳ ରାତ୍ରୀ

     ମିଳନର ଅବକ୍ଷୟ ।

ତନୁ ତଟିନୀର ତୀର ତରଙ୍ଗରେ

    ଚହଲି ଉଠୁନି ମନ

ଆଷାଢ଼ୀ ଆଖିରେ ଆଉଜି ପଡି ଚି 

     କାଳି ଅନ୍ଧାରିଆ ଜହ୍ନ ।

ଚିମୁଟାଏ ସ୍ନେହ ଚେନାଏ ମମତା

     ତା କପାଳେ ନାହିଁ ଲେଖା

 ମିଛ ମଣିଷ ସେ ଧୋକା ଦେଇଛି

      ପ୍ରଣୟନୀ ଚିତ୍ରଲେଖା ।

   କାଙ୍ଗାଳୀଚରଣ ସେଠୀ

           ଯାଜପୁର