ମୟୂରଭଞ୍ଜ – ୨୩/୦୯/୨୨(ମସିହା) ମୟୂରଭଂଜ ଜିଲ୍ଲାର ବିଜାତଳା ବ୍ଲକ ସନ୍ନିକଟ ୧୯୫୬ ମସିହାରେ ସ୍ଥାପିତ ହୋଇଥିବା ବାଘିଆଟାଙ୍ଗର ଉଚ୍ଚ ପ୍ରାଥମିକ ବିଦ୍ୟାଳୟର ଶ୍ରେଣୀ ଗୃହ ଗୁଡିକ ମରାମତି ଅଭାବରୁ ଅସୁରକ୍ଷିତ ହୋଇପଡିଛି । ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୧୫୩ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି । ପ୍ରଧାନ ଶିକ୍ଷୟିତ୍ରୀ ଙ୍କ ସମେତ ୬ ଜଣ ଶିକ୍ଷକ ଶିକ୍ଷୟିତ୍ରୀ ପାଠ ପଢ଼ାଉଛନ୍ତି ।ଅଫିସ କାର୍ଯ୍ୟାଳୟ ସମେତ ସମସ୍ତ ଶ୍ରେଣୀଗୃହ ଗୁଡିକରେ ବର୍ଷାପାଣି ପିଲାମାନଙ୍କ ମୁଣ୍ଡରେ ପଡୁଛି ।
ଛାତ ସିଲିଂ ଫଡାଫଡା ଖସି ପଡୁଛି ।ନିକଟରେ ଜଣେ ଶିକ୍ଷୟତ୍ରୀଙ୍କ ମଥାରେ ସିଲିଂ ଛାତ ମଥାରେ ଖସି ପଡ଼ିବାରୁ ସେ ଗୁରୁତର ହୋଇ ଡାକ୍ତରଖାନାରେ ଚିକିତ୍ସିତ ହୋଇଥିଲେ ।ଛୋଟ ଛୋଟ ପିଲାମାନଙ୍କ ସମେତ ଶିକ୍ଷକ/ଶିକ୍ଷୟତ୍ରୀ ଶ୍ରେଣୀ ଗୃହକୁ ପଶିବାକୁ ଭୟ କରୁଛନ୍ତି । ବାରଣ୍ଡାରେ ପଢ଼ାଉଛନ୍ତି ।ଏହାକୁ ନେଇ ସେମାନେ ଓ ଅଭିଭାବକ ବୃନ୍ଦ ବ୍ଳକ ପ୍ରଶାସନକୁ ଜଣାଇଛନ୍ତି । 
ପ୍ରଶାସନ କିଛି ପଦକ୍ଷେପ ନ ନେବାରୁ ଗ୍ରାମବାସୀ , ଅଭିଭାବକ, ଛାତ୍ର ଛାତ୍ରୀ ସ୍କୁଲ ସମ୍ମୁଖ ମୁଖ୍ୟ ରାସ୍ତାରେ ପ୍ରବଳ ବର୍ଷା ସତ୍ବେ ଛତା ଧରି ରାସ୍ତାରେ ବହି ଧରି ପଢୁଥିଲେ ।ରାସ୍ତାରେ ଦିର୍ଘ ୪ ଘଣ୍ଟା ଧରି ବସିଥିଲେ।ବିଇଓ , ତହସିଲ ପ୍ରଶାସନ ଓ ବ୍ଳକ ପ୍ରଶାସନ, ପୋଲିସ ପ୍ରଶାସନ ଗ୍ରାମବାସୀ ଓ ଶିକ୍ଷାନୁଷ୍ଠାନ ପ୍ରଧାନ ଶିକ୍ଷଯତ୍ରୀ ଦେଲହମଣି ମାଝୀଙ୍କ ଆଲୋଚନା କରିଥିଲେ । ଆସନ୍ତା ସୋମବାର ଦିନ ଆଉଥରେ ବିଧିବଦ୍ଧ ଆଲୋଚନା କରାଯିବ ପାଇଁ ନିଷ୍ପତ୍ତି ନେବାପରେ ରାସ୍ତା ଅବରୋଧରୁ ଗ୍ରାମବାସୀ ଓହରିଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
