ମୟୂରଭଞ୍ଜ ୨୫/୦୯/୨୨(ମସିହା) ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ବ୍ଲକ ସ୍ତରୀୟ ଏକ ୩ ଦିନିଆ ଭୌତିକ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ଏଥିରେ ରବିବାର ଦିନ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ପ୍ରକାଶ ଚନ୍ଦ୍ର ମହାଳିକଙ୍କ ନିର୍ଦ୍ଦେଶକ୍ରମେ ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ କାର୍ତ୍ତିକ ଚନ୍ଦ୍ର କାରୁଆ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । 
ଏଥିରେ ଗୋଷ୍ଠୀ ଶିକ୍ଷା ସମ୍ବଳ ଅଧିକାରୀ ଶ୍ରୀ ମହେଶ୍ୱର ମହାପାତ୍ର, ଅନ୍ୟ ସମ୍ବଳ ଶିକ୍ଷୟତ୍ରୀ ସାଗରିକା ପଣ୍ଡା ପ୍ରମୁଖ ଶିବିରର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିଥିଲେ ।ଏହି ଶିବିରରେ ୧୬ ଜଣ ଦିବ୍ଯାଙ୍ଗ ପିଲାମାନଙ୍କର ଶାରିରୀକ ଅକ୍ଷମତା,ବୈଦିକ ଅନଗ୍ରସର, ମସ୍ତିଷ୍କ ପକ୍ଷପାତ,ସ୍ବପରାୟଣତା ପାଇଁ ବିଭିନ୍ନ ବ୍ୟାୟାମର କୌଶଳ ଶିକ୍ଷା ଦିଆଯାଇଥିଲା । ଉକ୍ତ ଶିବିରରେ ୧୬ ଜଣ ଦିବ୍ଯାଙ୍ଗ ପିଲା ଏବଂ ସେମାନଙ୍କର ଅଭିଭାବକମାନେ ଯୋଗ ଦେଇଥିଲେ । ସମସ୍ତଙ୍କୁ ଵିଆରଟି ମହେଶ ମହାପାତ୍ର ଏବଂ ପଣ୍ଡା କୌଶଳ ଓ ତାଲିମ ବିଦ୍ୟାର୍ଥୀ ଓ ଅଭିଭାବକମାନଙ୍କୁ ପ୍ରଦାନ କରିଥିଲେ ।ଏଠାରେ ୩ ଦିନ ଧରି ରବିବାର, ସୋମବାର ଏବଂ ମଙ୍ଗଳବାର ଦିନ ତାଲିମ ପ୍ରଦାନ କରାଯିବ ବୋଲି ବିଆରଟି ମହେଶ୍ୱର ମହାପାତ୍ର ସୂଚନା ଦେଇଥିଲେ ।ତାଲିମ ନେଇ ଘରେ ଅଭିଭାବକମାନେ ସେମାନଙ୍କ ଦିବ୍ଯାଙ୍ଗ ପିଲାମାନଙ୍କୁ ଦୈନିକ କୌଶଳ ଅଭ୍ୟାସ କରାଇଲେ ନିଶ୍ଚିତ ଭାବରେ କିଛି ପରିମାଣର ସଫଳତା ପାଇଁ ପାରିବେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
