ଡାବୁଗାଁ, ୨୭/୯ ନବରଙ୍ଗପୁର ଜିଲା ଡାବୁଗାଁ ଥାନା ପୋଲିସ ନାବାଳିକା କୁ ଦୁଷ୍କର୍ମ ଅଭିଯୋଗରେ ଜଣେ ନାବାଳକକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି | ସୂଚନାଯୋଗ୍ୟ ଉମରକୋଟ ଥାନା ଅଧୀନ ବକୋଦା ଗ୍ରାମର ୧୭ ବର୍ଷର ନାବାଳକ ଗ୍ରାମପାଖ ଉମୁରାଗାଁ ଗ୍ରାମର ଜଣେ ୧୭ ବର୍ଷର ନାବାଳିକା ସହ ପ୍ରେମ ସମ୍ପର୍କ ଗଢିଉଠିଥିଲା | ଉକ୍ତ ନାବାଳିକା ନିଜ ବଡ ଭଉଣୀ ଘର ଡାବୁଗାଁ ଥାନା ଅଧୀନ ଫୁକାଗୁଡା ଗ୍ରାମକୁ ଯାଇଥିଲା | ୧.୨.୨୨ ତାରିଖ ଦିନ ସନ୍ଧ୍ୟାରୁ ଘରେ ନଜଣାଇ କେଉଁ ଆଡେ ଚାଲି ଯାଇଥିଲା | ଏନେଇ ନାବାଳିକାର ବଡ ଭଉଣୀ ନିଜ ବଡ ଭାଇକୁ ନାବାଳିକା କେଉଁ ଆଡେ ଚାଲିଯାଇଥିବା ଖବର ଦେଇଥିଲେ | ଖବର ପାଇବା ପରେ ପରିବାର ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ କିନ୍ତୁ ପାଇନଥିଲେ | ପରେ ଖବର ପାଇଥିଲେ ଯେ ବକୋଦା ଗ୍ରାମର ଜଣେ ନାବାଳକ ତାଙ୍କ ନାବାଳିକା ଝିଅକୁ ନେଇ କେଉଁ ଆଡେ ଚାଲି ଯାଇଛି | ଏନେଇ ନାବାଳିକାର ଭାଇ ୫.୨.୨୨ରେ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲା କୁ ଭିତ୍ତି କରି ଥାନା କେସ ନଂ ୨୨/୨୨ ରେ ଏକ ମାମଲା ରୁଜୁ ପୋଲିସ ତଦନ୍ତ ଜାରି ରଖିଥିଲା | ସେହି ଦିନ ଠାରୁ ଦୁହେଁ ଫେରାର ଥିଲେ | ସୋମବାର ପୋଲିସ ଖବର ପାଇଥିଲା ଯେ ନାବାଳିକା ଓ ନାବାଳକ ଦୁହେଁ ଆସି ନାବାଳକର ଘର ବକୋଦା ଗ୍ରାମରେ ଅଛନ୍ତି | ପୋଲିସ ଉକ୍ତ ଗ୍ରାମକୁ ଯାଇ ନାବାଳକକୁ ଧରି ଥାନାକୁ ଆଣିଥିଲା | ମଙ୍ଗଳବାର ସକାଳେ ନାବାଳିକାକୁ ଥାନାକୁ ଆଣିଥିଲା | ପରେ ୨ ଜଣ ଙ୍କର ଡାକ୍ତରୀ ମାଇନା କରାଯାଇଥିଲା | ନାବାଳିକାକୁ ଡାବୁ ଗାଁ ସ୍ୱଳ୍ପ କାଳୀନ ଆବାସ ଗୃହରେ ରଖାଯାଇଛି | ନାବାଳକକୁ ନବରଙ୍ଗପୁର ପ୍ରିନ୍ସପାଲ ମାଜିଷ୍ଟ୍ରେଟ ଜୁଭେନାଲ ଜଷ୍ଟିସ ବୋର୍ଡ ନିକଟରେ ହଜାର କରାଯାଇଛି | ପରେ ନାବାଳକ କୁ ଭାବନିପାଟଣା ସ୍ଥିତ ବାଳ ସୁଧାର ଗୃହରେ ଛଡା ଯାଇଛି ବୋଲି ଆଇଆଇସି ପ୍ରମୋଦ କୁମାର ନାୟକ ସୂଚନା ଦେଇଛନ୍ତି |
ପ୍ରଜ୍ଞାରଞ୍ଜନ ପରିଡା, ଡାବୁଗାଁ