ଗୋଳାମୁଣ୍ଡା ତା ୨୮/୯ (ମ ନି ସ) ଗୋଳାମୁଣ୍ଡା ବ୍ଲକ କୁହୁରା ଗ୍ରାମ ପଞ୍ଚାୟତ ର ସମିତି ସଭ୍ୟା ମାଧୁରୀ ସୁନାନୀ ଙ୍କ ଦେହାନ୍ତ ହୋଇଯାଇଛି । ଚଳିତ ବର୍ଷ ର ପଞ୍ଚାୟତ ନିର୍ବାଚନ ରେ ନିର୍ବାଚନ ଲଢି ସମିତି ସଭ୍ୟା ଭାବରେ ନିର୍ବାଚିତ ହୋଇଥିଲେ । ତାଙ୍କ ର ସ୍ବାସ୍ଥ୍ୟବସ୍ଥା ବିଗିଡିଥିବାରୁ ଚପ୍ରିଆ ପ୍ରାଥମିକ ଚିକିସ୍ରାଳୟ ରୁ ଭବାନିପାଟଣା ଜିଲା ଚିକିସ୍ରାଳୟ ନେଇଥିଲେ ଓ ସ୍ବାସ୍ଥ୍ୟ ରେ କିଛି ଉନ୍ନତି ହୋଇ ନ ଥିବାରୁ ବରଗଡ ସ୍ଥିତ ବିକାଶ ହସ୍ପିଟାଲ ରେ ଭର୍ତ୍ତି ହୋଇ ଚିକିସ୍ରା ହେଉଥିବା ବେଳେ ସକାଳ ୭ ଘ.ସମୟରେ ତାଙ୍କର ମୃତ୍ଯୁବରଣ ହୋଇଥିଲା । ତାଙ୍କର ଦୁଇ ପୁଅ ଟଙ୍କଧର ସୁନାନୀ ଓ ତେଜବନ୍ତ ସୁନାନୀ ମୁଖାଗ୍ନି ଦେଇଥିଲେ । ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ ନିଜେ କାନ୍ଧ ଦେଇଥିବାବେଳେ କୁହୁରା ସରପଞ୍ଚ୍ ପିଙ୍କି ତାଣ୍ଡି, ଉଦେଶୃଙ୍ଗ ଗ୍ରା:ପ ସମିତି ସଭ୍ୟ ଚୈତନ୍ୟ ମାଝି, ମହେନ୍ଦ୍ର ମଙ୍ଗରାଜ,ଦିନେଶ ପାନକା ପ୍ରମୁଖ ଉପସ୍ଥିତ ଥିଲେ । ଉକ୍ତ ଖବର ଶୁଣି ଜୁନାଗଡ ବିଧାୟକ କ୍ୟାପ୍ଟେନ ଦିବ୍ୟ ଶଙ୍କର ମିଶ୍ର, ଜିଲା ପରିଷଦ ସଭାପତି ପୁଷ୍ପେନ୍ଦୁ ସିଂ ଦେଓ, ବିଡିଓ ଶ୍ରୀଧର ପଣ୍ଡା, ବିଜେଡି ର ବରିଷ୍ଠ ସଂଗଠକ ଦିନେଶ ବଗର୍ତ୍ତି, ସରପଞ୍ଚ୍ ସଂଘ ବ୍ଲକ ସଭାପତି ପୁରୁଷୋତ୍ତମ ରାଉତ,ଗ୍ରାମ ପଞ୍ଚାୟତ ସମ୍ପ୍ରସାରଣ ଅଧିକାରୀ ରମିତ କୁମାର ପ୍ରଧାନ ଶୋକ ପ୍ରକାଶ କରିଛନ୍ତି ।
ଦାମୋଦର ଦାସ ଙ୍କ ରିପୋର୍ଟ
