ଜଣାଣ
ମାନଗୋବିନ୍ଦ ସ୍ବାଇଁ
ଭକ୍ତି ମୋ ଭାବନା ଶକ୍ତି ମୋ ଜୀବନ
ପ୍ରଭୁ ଦିଅ ଆଶିର୍ବାଦ
ଆଗକୁ ଯିବାକୁ ପଥ ଦିଅ କହି
ତୁମେ ଜୀବନ ସଂପଦ।
ତୁମକୁ ପଚାରି କୁଆଡେ ଯାଉନି
ଆଦେଶ ଦେଲେ ମୁଁ ଯିବି
ତୁମ ଗୁଣ ଗାଇ ଜୀବନ ସରିବ
ମୁ ଏ ଦାଣ୍ଡେ ବସିଥିବି।
ଭାବନା ମୋହେଉ ବିଶ୍ବ ଶାନ୍ତି ପାଇଁ
ଶୃଙ୍ଖଳା ଆସୁ ଜୀବନ
ପ୍ରେମର ପରାଣ ହସ ଖୁସି ରହୁ
କୃପା କର ଭଗବାନ।
ମନରେ ନଆସୁ ବିଷାଦର ଭାବ
ସଦା ରଖ ପ୍ରଭୁ ଜ୍ଞାନ
ଅନ୍ଧକାର ଦୂର ଆଲୋକ ପ୍ରକାଶ
ଭକ୍ତିରେ ପ୍ରଭୁ ମିଳନ।
ଭଜିଲେ ମିଳିବ ଭକ୍ତିରେ ପାଇବୁ
କର ତା ଅନୁସନ୍ଧାନ
ଗୀତରେ ସ୍ବରରେ ଭାବରେ ଆସୁଛ
ତୁମେ ମୋର ଭଗବାନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
