ବାଲେଶ୍ଵର,୦୩/୯/୨୨- ବିଭିନ୍ନ ପ୍ରଜାତିର ଫୁଲ ଗଛ ଅଛି । ହେଲେ ପତ୍ରରୁ ଗଛ ହେବା ଓ ପରେ ଫୁଲ ଫୁଟିବା ସମସ୍ତଙ୍କୁ କରିଛି ଆଚମ୍ବିତ । ଏପରି ଏକ ଦୃଶ୍ୟ ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ଖଇରା ବ୍ଲକ ତୁରିଗଡିଆ ନିକଟସ୍ଥ ଗଗନଧୁଳି ଗ୍ରାମରେ । ଗ୍ରାମର ଅବସର ପ୍ରାପ୍ତ ପୋଷ୍ଟ ମାଷ୍ଟର ରଘୁନାଥ ପାଣିଗ୍ରାହୀଙ୍କ ବାଡିରେ ଫୁଟିଛି ଏପରି ଫୁଲ, ଯାହା ଦେଖିବାକୁ ଅତିସୁନ୍ଦର । ନାମଟି ତାହାର ବ୍ରହ୍ମକମଳ । ଏହାକୁ ଦେଖିବା ପାଇଁ ଆଖପାଖ ଗ୍ରାମର ଗ୍ରାମବାସୀ ମାନଙ୍କର ପ୍ରବଳ ଭିଡ ପରିଲକ୍ଷିତ ହେଉଛି । କିଛିଦିନ ପୂର୍ବରୁ ତୁଡିଗଡିଆ ସିଟି ସ୍କୁଲର ଦୀପା ନାମ୍ନୀ ଝିଅଟି ଅତି ଶରଧାରେ ଶ୍ରୀ ପାଣିଗ୍ରାହୀଙ୍କୁ ବ୍ରହ୍ମକମଳ ପତ୍ରଟିଏ ଦେଇଥିଲେ । ଏବଂ ଦେବା ସମୟରେ କହିଥିଲେ ଯେ, ମଉସା ଏହାକୁ ବଞ୍ଚାଇ ରଖିଲେ ମୋ କଥା ମନେ ପଡିବ । ସତରେ ଆଜି ତା’ କଥା ମନେ ପଡୁଛି । ସେ ଦେଇଥିବା ପତ୍ରରୁ ବୃକ୍ଷଟିଏ ହୋଇ ବ୍ରହ୍ମକମଳ ଫୁଲଟିଏ ଫୁଟିଛି । ସେ ଯେଉଁଠି ଥାଉ ନା କାହିଁକି ଆମେ ତାକୁ ଆର୍ଶୀବାଦ ଜଣାଉଛୁ ଵୋଲି ପାଣିଗ୍ରାହୀ ପରିବାର କହିଛନ୍ତି । ବର୍ତ୍ତମାନ ମା’ ଦୁର୍ଗାଙ୍କ ପୁଜା ବିଭିନ୍ନ ମଣ୍ଡପରେ ହେଉଥିବାରୁ ଠାକୁର ଦର୍ଶନ କରିବା ସହିତ ଆଗ୍ରହର ସହିତ ଫୁଲଟିକୁ ପୂଜା କରୁଛନ୍ତି । ଏହା ପୂର୍ବରୁ ଏଭଳି ଦୃଶ୍ୟ ଏ ଅଞ୍ଚଳରେ ଦେଖିବାକୁ ମିଳିନଥିଲା । ସେଥିପାଇଁ ଲୋକମାନେ ଆଗ୍ରହର ସହିତ ଫୁଲଟିକୁ ଦେଖି ବହୁ ଖୁସି ଅନୁଭବ କରୁଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ