ପତିତପାବନ
ପତିତପାବନ ବାନା ଉଡୁଅଛି
ନୀଳଚକ୍ରପରେ ଥାଇ
ଫର ଫର ଉଡି ଭକ୍ତଙ୍କୁ ଡାକଇ
କାଳିଆ ଦର୍ଶନ ପାଇଁ।।
ନୀଳାଚଳେ ବସି ଲୀଳା ଲଗାଉଛି
ଭକତ ଜୀବନ ଧନ
ଜଗତ ଯାକର ଦୁଃଖ ସୁଖ ଦେଖେ
ମେଲି ସେ ଚକାନୟନ।।
ବଡ ଦେଉଳର ନୀଳଚକ୍ରେ ଶୋହେ
ପତିତପାବନ ବାନା
ପ୍ରତିଦିନ ନୂଆ ନୂଆ ଲଗାଯାଏ
ଅନାରେ ସଙ୍ଗାତ ଅନା।।
ପତିତପାବନ ପତାକାକୁ ଚାହିଁ
ଭକ୍ତ କରଇ ପ୍ରଣାମ
ହେ ପତାକା ତୋର କେଡେ ଭାଗ୍ୟ ସତେ
ଦେଉଳ କରୁ ମଣ୍ଡନ।।
ଆହେ ଚକାଡୋଳା ଧନ୍ୟ ତୋର ଲୀଳା
ଧନ୍ୟ ତୋ ଶ୍ରୀକ୍ଷେତ୍ର ଧାମ
ଜୀବ ଗଲା ବେଳେ ସେ ବାନା ଦର୍ଶନେ
ନଦଣ୍ଡଇ କାଳ ଯମ।।
ବନଲକ୍ଷ୍ମୀ ମହାନ୍ତି
ନଡିଆବରାଇ , କେନ୍ଦ୍ରାପଡ଼ା
