ହୋ ଭକତେ
ଅର୍ଜୁନ ପ୍ରଧାନ
ଭଲା ଏହି କଳିକାଳ ହୋ ଭକତେ
ଭଲା ଏହି କଳିକାଳ…
ଜନମରୁ ମୃତ୍ୟୁ ଯୋଜନା ପରିକା
ସର୍ବେ ଏଠି କଲବଲ !!
ସୋସିଆଲ ମିଡ଼ିଆ କରେ କମାଲ
ସବୁ ଆଜି ଡିଜିଟାଲ…
ଭେଣ୍ଡିଆରୁ ବୁଢା ଅବା ଦରାବୁଢା
ତା ପ୍ରେମେ ସବୁ ମାତାଲ !!
ସୁକୁଟି ଏଇଠି ଆଞ୍ଜେଲ ସୁଇଟି
ଆଇ ଖେଳେ ପ୍ରେମ ଚାଲ…
ଦୁଇଟା ଛୁଆର ମାଆ ପଳାଉଛି
ସ୍ୱାମୀ ହୁଅନ୍ତି ବେହାଲ !!
ପାଡ଼ିଲା ଛିଙ୍କିଲା କଅଣ ହୋଇଲା
ସବୁ ହୁଏ ଭାଇରାଲ…
ଟିଆରପି ନିଶାରେ ମିଡ଼ିଆ ବାଲାଏ
କରିଥାନ୍ତି ହୁଲୁସ୍ତୁଲ !!
ଆଗରୁକି କିଛି ଘଟୁ ନଥିଲାଟି
ଲଜ୍ୟାକୁ ସବୁ ଭୁଲିଲ…
ଲଜ୍ୟା ସରମକୁ ସବୁ ଖାଇଗଲ
ହୋଇଲ ଏପ୍ରିଲ ଫୁଲ !!
ସାମାଜିକ ଗଣ ମାଧ୍ୟମ ବୋଲିଣ
ନକରହେ ଏହି ଭୁଲ…
କରେ ନିବେଦନ ହୁଅ ସଚେତନ
ହେବ ସବୁ କୁଲ କୁଲ !!
ନରସିଂହପୁର , କଟକ