ଜଣାଣ
ମାନଗୋବିନ୍ଦ ସ୍ବାଇଁ
ଦେଖି ତୋର ରୂପ ବଢିଯାଏ ଭାବ
ଦୁଇ ହାତ ଦେଲି ଯୋଡ଼ି
ଶରଣ ପଶିଲି ଦୁଃଖକୁ କହିଲି
ମୋ ବିପଦ ଯାଉ ଛାଡ଼ି।
ନିଶ୍ଚିତ ଭାବରେ ଆଖି ଖୋଲି ଚାହିଁ
ଗାଇଲି ପ୍ରଭୁ ଭଜନ
ସର୍ବାଂଗ ଶରୀର ହାଲୁକା ଲାଗିଲା
ମନ ପାପ ଛାଡ଼ି ସ୍ଥାନ।
ଭଜନ ସଂଗୀତ ଯେତେ ଦୂର ଯିବ
ଭାଷା ଶୁଦ୍ଧ ହବ କାନ
ଶୁଣିଲେ ଗାଇଲେ ମନର ପବିତ୍ର
ଦେଖା ହବ ଭଗବାନ।
ଯାହାଙ୍କୁ ଖୋଜିଲେ ଭଜିଲେ ପାଇବୁ
ନିତି ଜପ ଗୁରୁ ନାମ
ଗୁରୁ ଆଜ୍ଞା ହେଜ ଗୁରୁଙ୍କ ପାଳନ
ଗୁରୁ ଦେବ ବ୍ରହ୍ମ ଜ୍ଞାନ।
ସକାଳ ସନ୍ଧ୍ୟାରେ ପ୍ରଭୁ ନାମ ଧରି
ଯୁଆଡ଼େ ଯାଉଛି ଯାଆ
ଫେରିବା ପଥକୁ ପ୍ରଭୁ ନାମ ଧରି
ସ୍ମରଣ ଭଜନ ଗାଆ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା