ରାଇଘର( ମ ନି ସ )୧୦/୨୨ ନବରଙ୍ଗପୁର ଜିଲ୍ଲା ରାଇଘର ବ୍ଲକ ପାରୁଆ ପଞ୍ଚାୟତ ଠାରେ ଅବିଭକ୍ତ କୋରାପୁଟ ଜିଲ୍ଲା ମାଳି ସମାଜ ବିକାଶ ପରିଷଦ ଆହ୍ବାନ କ୍ରମେ ଜିଲ୍ଲା ସ୍ତରୀୟ ସାଧାରଣ ବୈଠକ ଅନୁଷ୍ଠିତ ହୋଇଥିଲା l ପାରୁଆ ପଞ୍ଚାୟତର ପଡିଆ ଠାରେ ବିରାଟ ସମାରୋହ ଆୟୋଜନ ହୋଇଥିଲା l ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନବରଙ୍ଗପୁର ସାଂସଦ ରମେଶ ମାଝୀ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ଉପାଧକ୍ଷା ଲିପିକା ବାରୋଇ, ଜିଲ୍ଲା ପରିଷଦ ସଭ୍ୟ ଯତୀନ୍ଦ୍ର ଗଣ୍ଡ , ଦଶରଥ ଗୌଡ, ଖଗେଶ୍ୱର ହରିଜନ,ସୁକଦେବ ଗଣ୍ଡ, ଅବିଭକ୍ତ କୋରାପୁଟ ଜିଲ୍ଲା ସଭାପତି ଦାଶରଥି ମାଳି ଯୋଗ ଦେଇଥିଲେ l ଉକ୍ତ କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ କାର୍ଯ୍ୟକାରୀ ସଭାପତି ଅମିନ୍ଦ୍ର ଖରା, ସମ୍ପାଦକ ଦୈତାରୀ ଖିଲ,ଅବିଭକ୍ତ ସାଂଗଠନିକ ସମ୍ପାଦକ ରାଜେନ୍ଦ୍ର ଖରା,ନବରଙ୍ଗପୁର ଜିଲ୍ଲା ସଭାପତି ତିଲକ ମାଳୀ,ମାଲକାନଗିରି ଜିଲ୍ଲା ସଭାପତି ମଧୁ ମାଳୀ ଓ କୋରାପୁଟ ଜିଲ୍ଲା ସଭାପତି ପଦଲାମ ନାୟକ ପ୍ରମୁଖ ଯୋଗ ଦେଇଥିଲେ l ମାଳୀ ସମାଜର ବିକାଶ ଦିଗରେ ବିଶେଷ ଆଲୋଚନା ହୋଇଥିଲା l ଉକ୍ତ କାର୍ଯ୍ୟକ୍ରମରେ ମୁଖ୍ୟ ସମସ୍ୟା ସଂପର୍କରେ ଆଲୋଚନା ହୋଇଥିଲା l ଅବିଭକ୍ତ କୋରାପୁଟ ଜିଲ୍ଲାର ମାଳୀ ଜାତିକୁ ବନବାସୀ ଆଦିବାସୀ( st )ମାନ୍ୟତା ପ୍ରଦାନ,କୃଷି ଭିତ୍ତିକ ତାଲିମ୍ ର ସୁଯୋଗ ପ୍ରଦାନ,କୃଷି ଉପଯୋଗୀ ଜଳ ସେଚନ ବ୍ୟବସ୍ଥା,ଆବାସିକ ବିଦ୍ୟାଳୟରେ ମାଳୀ ଜାତି ଛାତ୍ର ଛାତ୍ରୀଙ୍କୁ ଶିକ୍ଷା ଅଧୟନରେ ସ୍ଥାନ ସଂରକ୍ଷଣ,ରିହାତି ଋଣ ପ୍ରଦାନ ସହ ସମସ୍ତ ସରକାରୀ ଓ ବେସରକାରୀ ସୁଯୋଗ ସୁବିଧା ପ୍ରଦାନ କରିବା ନିମନ୍ତେ ଆଲୋଚନା ସହ ଦାବୀ ପ୍ରଦାନ କରାଯିବା ଭଳି ନାନା ସମସ୍ୟା ଉପରେ ବିଶେଷ ଆଲୋଚନା ହୋଇଥିଲା l ଉକ୍ତ କାର୍ଯ୍ୟକ୍ରମରେ ମାଳୀ ସମାଜର ଦୁଇ ହଜାରରୁ ଉର୍ଦ୍ଧ ମହିଳା ପୁରୁଷ ଯୋଗ ଦେଇଥିଲେ l ରାଜ୍ୟ ସରକାର ନିକଟରେ ଆଗାମୀ ଦିନରେ ସମସ୍ତ ସମସ୍ୟା କିଭଳି ଉପସ୍ଥାପନା ହେବ ସେଥି ଉପରେ ଗୁରୁତ୍ୱ ଦିଆ ଯାଇଥିଲା l ଏହି କାର୍ଯ୍ୟକ୍ରମରେ ଚମରା ମାଳୀ,ସହନ ମାଳୀ,ପରମାନନ୍ଦ ମାଳୀ,ରାମ କୃଷ୍ଣ ମାଳୀ,ପରମେଶ୍ବର ମାଳୀ,ସନ୍ତୋଷ ମାଳୀ,ବସନ୍ତ ମାଳୀ,ସାଗୁରୁ ମାଳୀ ପ୍ରମୁଖ ସଦସ୍ୟ ସହଯୋଗ କରିଥିଲେ l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ