ମୟୂରଭଞ୍ଜ ୧୨/୧୦/୨୨(ମସିହା) ଦିନକୁ ଦିନ ଯୁବ ଗୋଷ୍ଠୀ ମଧ୍ୟରେ ଆତ୍ମହତ୍ୟା ବୃଦ୍ଧି ପାଉଛି ଯାହାକୁ ନେଇ ସମସ୍ତେ ଚିନ୍ତିତ । ଅକାଳରେ ଝରି ପଡୁଛନ୍ତି ବହୁ ଯୁବଗୋଷ୍ଠୀ । ସୂଚନାଯୋଗ୍ୟ ଗୋରୁମହିଷାଣୀ ଥାନା ଅନ୍ତର୍ଗତ ଆମଦାବେଡା ଗ୍ରାମର ଯୋଗେନ୍ଦ୍ର ହେମ୍ବ୍ରମ ((୪୫) ଗତକାଲି ରାତି ୯/୯.୩୦ ଟା ପାଖାପାଖି ସମୟରେ ଘର ଭିତରେ ଫାଶୀ ହୋଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ପୋଲିସ ଆଜି ଝୁଲନ୍ତା ଅବସ୍ଥାରେ ଯୁବକର ମୃତଦେହ ଉଦ୍ଧାର କରି ଏକ ଅପମୃତ୍ୟୁ ମାମଲା କେଶ ନମ୍ବର ୧୮/୨୨ ରୁଜୁ କରି ଶବକୁ ରାଇରଙ୍ଗପୁର ହସ୍ପିଟାଲରେ ବ୍ୟବଛେଦ କରାଇ ପରିବାରବର୍ଗଙ୍କୁ ହସ୍ତାନ୍ତର କରିଛି । କେଉଁ ପରିସ୍ଥିତିରେ ଯୁବକ ଜଣକ ଆତ୍ମହତ୍ୟା କଲେ ତାହାର ତଦନ୍ତ ସାପେକ୍ଷ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ