କିଛି ରହିଗଲା ଵାକୀ 

ସବୁ ବନସ୍ତରେ ନ ଥାଏ ଚନ୍ଦନ

    ସବୁ ଫଣୀ ମାଥେ ମଣୀ

ସବୁ ଆଶା କେବେ ହୁଏନି ପୂରଣ

   ରହିଯାଏ କିଛି ବାକୀ ll(1) 

ଦଇବ ଦଉଡି ମଣିଷ ଯେ ଗାଭୀ

  ଯେଣିକି ଟାଣଇ ଯାଇ

କିଛି ରହିଗଲା ଵାକୀ ଭାଳୁ ଭାଳୁ

    ଆସେ ସଞ୍ଜ ନଇଁ ନଇଁ ll(2) 

ଆଶା ମୃଗତୃଷ୍ନା ଜୀବନ ମରୁରେ

ନିତି ପ୍ରହେଳିକା ରଚେ

କିଛି ରହିଗଲା ବାକୀ ଜୀବନରେ

    ଅବଶୋଷେ ଦିନ ବିତେ l(3) 

ଲଙ୍କାର ରାବଣ ସରଗକୁ ଶିଢ଼ୀ

   ବାନ୍ଧିବାକୁ ପଣ କରି

ମରଣ କୋଳରେ ଶୟନେ ଭାଳଇ

   ରହିଗଲା କିଛି ବାକୀ l(4)

ସକଳ ପୂର୍ଣ୍ଣତା ମାନବ କପାଳେ

    ଲେଖି ନାହିଁ ବିହି କାଳେ

କରମରେ ସିନା ଅଛି ଅଧିକାର

    ଅକାରଣ ଆଶା ଫଳେ (5)

ନର୍ମଦା ନାୟକ

ରାଉରକେଲା