ଜଣାଣ

ମାନଗୋବିନ୍ଦ ସ୍ବାଇଁ

ତୁମେ ଯେ ଅନନ୍ତ ନିରାକାର ବ୍ୟକ୍ତ

    ଠାକୁର ମୋର ଜୀବନ

ସୟନେ ସପନେ ତୁମ କଥା ଭାବି

    ଥରେ ଦିଅ ବିଶ୍ବ ଜ୍ଞାନ।

ସବୁଠି ବୁଲୁଛ ସବୁଠି ଯାଉଛ

       ନିଏ ଅଧମ ସାଙ୍ଗରେ

ଚାଲି ଗଲେ ମିଶି ପାପ ଯିବ ଭାସି

   ଭକ୍ତି ମୋର ଜୀବନରେ।

ଦିନେ ନ ଚିନ୍ତିଲେ ଦିନେ ନ ଭାବିଲେ

     ପାଟିକୁ ନାହିଁ ଆହାର

ସକାଳୁ ଉଠିଲେ ଭକ୍ତି ନମସ୍କାର 

   ସଦା ବେଳେ ହରି ମୋର।

ପ୍ରଭୁ ଦିନରାତି ମୋର ଯେ ସଂସ୍କୃତି

    ମୋ ଜୀବନ ଗତି ପଥ

ସତ୍ୟ ପଥେ ଯାଓ ମିଛ କୁହ ନାହିଁ

    ବଚନ କର ଶପଥ।

କିଛି ମାଗୁ ନାହିଁ ମାଗୁଛି ଖାଲି ମୁଁ

      ମୋ ଭାବ ସଦା ଦର୍ଶନ

ଯୁଆଡ଼େ ଯାଉଛ ଯାଆ ପଛେ ପ୍ରଭୁ

     ମୋତେ ଦେଖା ରୂପ ଜ୍ଞାନ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା