ଲୁହରେ ଲେଖୁଛି ଚିଠି
ତ୍ରିଲୋଚନ ପାଢୀ
(ଶିକ୍ଷକ )
ଲୁହରେ ଲେଖୁଛି
ଚିଠି ମହାପ୍ରଭୁ
ଲୁହରେ ଲେଖୁଛି ଚିଠି
ଦେଖିଯାଅ ଥରେ
କିପରି ଚାଲିଛି
ତୁମ ହାତ ଗଢ଼ା ସୃଷ୍ଟି l
ବିଶ୍ୱ ଦେବତା
ତୁମେ ଭାବଗ୍ରାହୀ
ମହାପ୍ରଭୁ ଜଗନ୍ନାଥ
ଗଡି ମରେ ଏଠି
ତୁମରି ଭକତ
ହୋଇ ଯାଏ ଟି ଅନାଥ l
ଅନ୍ତର୍ଯ୍ୟାମୀ ତୁମେ
ଜାଣି ପାର ପରା
ଭକ୍ତ ଅନ୍ତର ବେଦନା
ତୁମରି ଭକତ
ଭୋଗୁଅଛି ଏଠି
ପ୍ରଭୁ ଅଶେଷ ଯାତନା l
ତୁମ ଭକତଙ୍କୁ
ଉଦ୍ଧାର କରି
ରକ୍ଷା କର ତୁମ ସୃଷ୍ଟି
ଅନ୍ତର କୋହରେ
ଆଖିର ଲୁହରେ
ଲେଖୁଛି ପ୍ରଭୁ ମୁଁ ଚିଠି ll
ସମ୍ପାଦକ, ସମ୍ବାଦ ସାହିତ୍ୟ ଘର, ନାଉଗାଁ
ସା, ପୋ :-ନନ୍ଦିଗ୍ରାମ , ଭାୟା :-ନାଉଗାଁ ହାଟ
ଜିଲ୍ଲା :-ଜଗତସିଂହପୁର
