ଦୀପାଳି 

ରାଜଶ୍ରୀ ମହାପାତ୍ର

ଆଖିକୋଣର ଟୋପେ ଲୁହରେ ,

ମାଟି ଚକଟା କାଦୁଅ ହାତରେ

ଅଧାଖିଆ ,ଅଖିଆ ପେଟର ଭୋକରେ 

ଲୁଚିଛି କେତେ ଆଖିର ସ୍ୱପ୍ନ 

ସବୁ ସୁଖଭିତରେ ଟିକେ ମନେ ପକାଅ ତାକୁ 

ଦୀପର ପଶରା ମେଲି ସେ ଚାହିଁଛି ତୁମକୁ

ସଜେଇବ ବୋଲି ଅନ୍ଧାରକୁ ଆଲୁଅରେ

ଦୀପର ପଶରା ମେଲି ସେ ଚାହିଁଛି ତୁମକୁ

ଏ ଗହଳିଭିତରେ , 

ଆମଭିତରେ ସେ ଜଣେ ‘ତୁ’ ନହେଲେ ‘ମୁଁ’

ତା’ର ଛୋଟ ଛୋଟ ଦୀପକୁ ସଜେଇଦିଅ ଭରସାରେ

ସେ ହଜି ନ ଯାଉ ,ଅଣଦେଖା କରି ଚାଲିଯାଅନି ଆଗକୁ

                

ଟିକେ ରୁହ , ସବୁ ସୁଖ ଭିତରେ ଟିକେ ଦେଖ ତାକୁ 

ଅଣହେଳା କରି ଚାଲିଯାଅନି ଆଗକୁ

                                        

        କୁଞ୍ଜକାନ୍ତ , ଢେଙ୍କାନାଳ