ହୃଦୟ ରାଗ

 

           ପ୍ରଶାନ୍ତ କୁମାର ନାଥ

ହୃଦୟର ରାଗ ସେ ସପ୍ତ ତରଙ୍ଗ

    ହୃଦୟେ ଭରେ ଆବେଗ

ନିରନ୍ତରେ ସେହି ଚାଲୁଥାଏ ପରା

     ଭୁଲେ ନାହିଁ ତା’ର ଦିଗ। 

ଶୂନ୍ୟର ପଥରେ ସାନ୍ତୋନା ପଥିକ

      ଜୀଵଙ୍କର ଦେହେ ଥାଇ

ଜୀବନ ଦୀପକୁ ଜଳାଇ ଥାଏ ସେ

     ଦିକ୍ ଦିକ୍ ସେଯେ ହୋଇ। 

କେବେ ଆଲୋକରେ କେଵେ ଅନ୍ଧାରରେ

    ହୁଏ ନାହିଁ ବାଟ ବଣା

ହୃଦୟକୁ କେହି ଦେଖି ତ ନାହାଁନ୍ତି

     ସଭିଙ୍କୁ ଅଛଇ ଜଣା। 

ରକତ ମାଉଁସେ ହୃଦୟଟି ଗଢା

     ଶିକ୍ଷାଏ ଦିଵ୍ୟ ଚେତନା

ଭଲ ଓ ଖରାପ ଜୀଵର ଦେହରେ

     ଭରଇ ମିଠା ଵାସନା। 

ପାହାଡ଼ ପରିକା ସେ ଵଜ୍ର ହୃଦୟ

     କାକଳିର କଳରଵ

ମୃଦୁ ମୁର୍ଚ୍ଛନାରେ ଶିହରଇ ପ୍ରାଣ

     ଜୀଵନ୍ତ ହୁଅଇ ଜୀବ।।

ପ୍ରଶାନ୍ତ କୁମାର ନାଥ (ଜୁଣଗଡି)

ରାଜନଗର କେନ୍ଦ୍ରାପଡ଼ା