ମ.ରାମପୁର,୨୮/୧୦( ମସୀହା) କଳାହାଣ୍ଡି ଜିଲ୍ଲା ମ.ରାମପୁର ବନାଞ୍ଚଳ ରେ ଆଜି ବାରହା ମାଂସ ଜବତ ହୋଇଥିବା ବେଳେ ୪ ଜଣ ବ୍ୟକ୍ତି କୁ ବନବିଭାଗ ଧରିଥିବା ବେଳେ ଆଉ ଦୁଇ ଜଣ ବ୍ୟକ୍ତି ଫେରାର ହୋଇଛନ୍ତି l ବାଙ୍କେଲ ଗ୍ରାମର କେତେ ଜଣ ବ୍ୟକ୍ତି ବାରହା ଶିକାର କରିବା ପାଇଁ ଗ୍ରାମ ନିକଟ ଜଙ୍ଗଲରେ ଗତ କଲି ରାତି ମାଂସ ଭିତରେ କିଛି ବିସ୍ଫୋରକ ସାମଗ୍ରୀ ରଖି ଶିକାର ପାଇଁ ସ୍ଥିର କରିଥିଲେ l ବାରହା ଟି ମାଂସ ଲୋଭରେ ଖାଇବା ପରେ ବିସ୍ଫୋରକ ଦ୍ଵାରା ମରି ପଡ଼ିଥିଲା l ବାରହା ମାରିବା ପରେ ଉକ୍ତ ବ୍ୟକ୍ତିମାନେ ଜଙ୍ଗଲରେ ହିଁ ଉକ୍ତ ମୃତ ବାରହା ମାଂସ କାଟି ରାନ୍ଧି ଖାଉଥିଲେ l ଏହି ଖବର ବନ ବିଭାଗ କୌଣସି ସୂତ୍ରରୁ ଖବର ପାଇ ଘଟଣାସ୍ଥଳରେ ପହଞ୍ଚି ୪ ଜଣ ବ୍ୟକ୍ତିଙ୍କୁ ଧରିଥିଲେ l ହେଲେ ସେଠାରୁ ୨ ଜଣ ବ୍ୟକ୍ତି ଫେରାର ହୋଇଯାଇଥିଲେ l ସେମାନଙ୍କ ପାଖରୁ ରନ୍ଧା ମାଂସ ୫ କେଜି ଓ କଞ୍ଚା ମାଂସ ୨ କେଜି ଜବତ କରିଥିବା ରେଞ୍ଜ ଅଧିକାରୀ ଅସିତ୍ କୁମାର ଦାଶ ସୂଚନା ଦେଇଛନ୍ତି l ଗିରଫ ବ୍ୟକ୍ତିମାନଙ୍କ ମଧ୍ୟରୁ ଜଣେ କେସିଙ୍ଗା ବ୍ଲକ ରେ ଲିମ୍ ଗାଁ ରେ ବୋଲି ଜଣାଯାଇଛି l ଆସନ୍ତା କାଲି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ରେଞ୍ଜ ଅଧିକାରୀ ପ୍ରକାଶ କରିଛନ୍ତି l
ମ.ରାମପୁର ରୁ ପରମାନନ୍ଦ ବିଶିଙ୍କ ରିପୋର୍ଟ l
