ରାଉରକେଲା/ ରାଉରକେଲାର ଅଗ୍ରଣୀ ସାମାଜିକ ସଂଗଠନ “ସତଭାବନା” ଲାକ୍ଷେଘର ସମାଜ ରାଉରକେଲା ର ସାଧାରଣ ସମ୍ପାଦକ ବିଜୟ କୁମାର ତାଣ୍ଡିଆ ଙ୍କ ଗତକାଲି ଦେହାନ୍ତ ହୋଇଯାଇଛି । ସେ ଡେଙ୍ଗୁ ରୋଗରେ ଆକ୍ରାନ୍ତ ହୋଇ ଆଇ ଜି ଏଚ୍ ରେ ଚିକିତ୍ସିତ ହେଉଥିଲେ । ତାଙ୍କର ଦେହ ଅଧିକ ଅସୁସ୍ଥ ହେବାରୁ ଗତ ୨୪/୧୦/୨୨ ( ସୋମବାର ) ଦିନ ଭୁବନେଶ୍ୱର ସ୍ଥିତ ଆପୋଲୋ ହସ୍ପିଟାଲ କୁ ରେଫର କରାଯାଇଥିଲା । ସେଠାରେ ଚିକିତ୍ସିତ ଅବସ୍ଥାରେ ଗତକାଲି ତାଙ୍କର ଦେହାନ୍ତ ହୋଇଯାଇଛି । ସେଠାରୁ ତାଙ୍କର ମର ଶରୀରକୁ ରାଉରକେଲା ଆଣି ବେଦବ୍ୟାସଠାରେ ଶେଷକୃତ୍ୟ କରାଗଲା । ତାଙ୍କର ଅନ୍ତିମ ଯାତ୍ରାରେ ତାଙ୍କର ପରିବାର ବର୍ଗ , ପାଖ ପଡୋଶୀ , ସତଭାବନା ଲାକ୍ଷେଘର ସମାଜର ସମସ୍ତ ପରିବାର , ବ୍ଲାଷ୍ଟଫରନେସ୍ ବିଭାଗର ଅଧିକାରୀ ଓ ସହକର୍ମୀ ,ରାଉରକେଲାର ଅନେକ ସାମାଜିକ ସଂଗଠନ , ଝାରସୁଗୁଡା ଓ ସୁନ୍ଦରଗଡ ର ଅନେକ ପରିବାର ଯୋଗ ଦେଇଥିଲେ । ତାଙ୍କର ବିୟୋଗରେ ସମସ୍ତ ଲାକ୍ଷେଘର ସମାଜ ପରିବାର ସହିତ ରାଉରକେଲାର ଆଖପାଖ ଅଞ୍ଚଳର ଅନେକ ପରିବାରରେ ଶୋକର ଛାୟା ଖେଳିଯାଇଛି । ସେ ଜଣେ ପରୋପକାରୀ ସମାଜସେବୀ ଓ ସାମାଜିକ ସଂଗଠନ “ସତଭାବନା” ଲାକ୍ଷେଘର ସମାଜ ର ପ୍ରତିଷ୍ଠାତା ସଭ୍ୟ ଥିଲେ । ତାଙ୍କ ପ୍ରୟାସରେ ସୁନ୍ଦରଗଡରେ ସମାଜର ଅନେକ ଉନ୍ନତି ମୂଳକ କାର୍ଯ୍ୟ ହୋଇପାରିଛି । ସେ ରାଉରକେଲା ଇସ୍ପାତ କାରଖାନାର ବ୍ଲାଷ୍ଟଫରନେସ୍ ବିଭାଗରେ କାର୍ଯ୍ୟ କରୁଥିଲେ । ତାଙ୍କର ବିୟୋଗରେ ବ୍ଲାଷ୍ଟ ଫରନେସ୍ ବିଭାଗରେ ମଧ୍ୟ ଶୋକର ଛାୟା ଖେଳିଯାଇଛି । ତାଙ୍କର ଏହି ବିୟୋଗରେ ସଂଗଠନର ବିରାଟ କ୍ଷତି ହୋଇଛି ଓ ତାଙ୍କର ଅବଦାନ କେବେ ଭୁଲି ହେବନାହିଁ ବୋଲି ସଂଗଠନର ସଭାପତି , କାର୍ଯ୍ୟକାରୀ ସଭାପତି , ଉପସଭାପତି, ସହ ସମ୍ପାଦକ , କୋଷାଦକ୍ଷ , ସହ କୋଷାଧ୍ୟକ୍ଷ , ଉପଦେଷ୍ଟା ମଣ୍ଡଳୀ ତଥା ସମସ୍ତ ସଭ୍ୟ ତାଙ୍କର ଆତ୍ମାର ସତଗତି ପାଇଁ ନିରବ ପାର୍ଥନା କରିବା ସହିତ ଶୋକାକୁଳ ପରିବାରକୁ ଶାନ୍ତ୍ୱନା ଦେଇଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
